تاوێک لە پروشەت.. شیعر/ کاوە عوسمان عومەر

(١)
ئاسمان
جارێکی تر
گریمانەی
تاوێک لە لە پروشە
بەفری تۆی هەیە،
مەستیشم
بە خەونی گەڕانەوەت،
بۆیە وەک گوڵی قەرانی ئازار
سووتماک
ئەبمەوە
(٢)
خۆرئاوابوون
تابلۆیەکە لە ڕۆح
(٣)
تاوەکو چرا شینەکانت
لە سەرشەپۆلە
هێمنەکانی کات
دەرئەکەوێتەوە
لە کەنارا،
بەرگی خۆرت بۆ ئەپۆشم
مەنزڵگەیەک
لە وڵاتی شەختە و گڕ،
با لە دڵا باڵا کا
تا ئەو سنورە تەلبەندەی
پێش لە خاچدانمان
ئەبینەوە
بە هەناسەی
ڕابردووی یەکتر،
………………………………………………………………..
وێنەکە تابلۆیەکی نیگارکێشی فەرەنسی
Paul Gauguin- Garden under Snow

Dengekan

دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.