Skip to Content

سرودی ھەنگاوی گەشبینی.. عەلی حەمەڕەشید

سرودی ھەنگاوی گەشبینی.. عەلی حەمەڕەشید

Closed
by ئاب 3, 2021 General, Poems



بەگەشبینی ھەنگاو دەنێم
با ھەوراز و سەختیش بێ ڕێم
باکم نییە لە تاریکی
چونکە لەگەڵ خۆردا ھاوڕێم

بەرەو ئاسۆی ھیوا دەڕۆم
کە خۆشترین خەونیشە بۆم
کۆڵنادەم و بەردەوامم
بڕوای زۆرم ھەیە بە خۆم

بۆ گەیشتن بەو ھیوایە
خۆشەویستیم لە دڵدایە
بۆ خۆم،بۆ ژین،بۆ ھەرکەسێک
ھاوڕازمبێ لەو ڕێگایە

دەڕۆم دەڕۆم دوا بڕیارە
لە ھەوڵدام بۆ ئەو کارە
گوێ بە قسەی ھیچ کەس نادەم
لوتکەی ھیوام لێوە دیارە

٢٠٢٠/١٢/٧

Previous
Next
Kurdish