بەتاڵیی.. کەنعان مدحەت
Closed
نیوەی تەمەنی بە خوێندن بەسەر بردووم
ملیۆنەها وشە گریاندوومی و
هەزارەهاش
خستومیانەتە کەنین و
قاقا
داخی گرانم
کات وا مێشکی گسک داوم
پەی بە یەک لەو وشانە نابەم ڕاستمکەنەوە
کۆی ئەو دوو کچەی کە
شۆخە قژ زەردەکەی پشتی تێکردم و
کاڵ ئەسمەرە تێگلاوەکەی
- لە ترس دایکیا –
لە مابەین دەرگای حەوشە و پەردەی دەرگادا
شاردمییەوە و خۆشی ویستم
دەکاتە منی؛
شەقشەقەی دەستی تەنیایی
چارەنوسی من و
هەردوو کچە دۆڕاو و براوە
هێشووە مێژوویەکی وەک نەبوو
یا ئاراستەی میلی کاژێرێکی
یاخی لە پشو و
دژ بە سوڕی پاشە و پاشە
Dengekan
دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.
