Skip to Content

خوێن دەگری… جەلال عەبدوڵا ساڵح

خوێن دەگری… جەلال عەبدوڵا ساڵح

Closed
by April 6, 2022 General, Poems



بۆ ئەوەی پێبکەنێت
باخ ی مرۆڤ
چەم دەکەمە کۆڵم
بۆی دەبەم
وازم هینا لە یاری دووگۆڵی
لەبەر ئەوەی پیری هات بە میوانیم
بانگم دەکەن، دەچم بۆ لایان
کۆمەڵێک هاوڕێی باشن
لەسەر کورسی ڕازیکردنیان دادەنیشم
چەپڵەی سەرکەوتنیان بۆ لێ ئەدەم.
پزیشکەکەم کێشەکەی گەورە کردم
ئیتر گۆشتی بەراز ناخۆم
ماڵە دراوسێکەمان خەڵکی ئۆکرانییایە
هەموو ساڵێک
لە ڕۆژی کەنەدا بانگم دەکا
دەچم بۆ لای گوێدەگرم
لە قسەو ئاوازی گۆرانییەکانیی
پیی دەڵێم:

  • سپاست دەکەم!
    لەو ڕۆژەوە چەقۆ و مل
    یەکتری دەناسن گۆشت ناخۆم.
    حەزم لە ترێ یە!
    چوارساڵە شەراب ناخۆمەوە
    لەبەرخاتری سرووشت
    شووشەیەکم لە ڕەنگی بەلاڵووک
    لەسەر ڕەفەکەم داناوە
    چونکی دیاری کچەکە کوژراوەکەی هاوڕێمە.
    لە ئەفغانستان شیعرێکی سووتان
    قاچێکییان قرتان
    لە دووای نان خواردنی بەیانییان
    هەتا (مەندێلا)
    ئازاد کرا
    دەڕژانە سەر شەقامەکان
    لە (ئەفریقا)
    (کوردەکان)
    کۆترێکییان وا لە (قەفەس) دا
    فیشەکی پێوەدەنێن
    کەسوکارەکەم
    سووپای (تورک)ەکان کوشتییان
    ئەوکاتەی کە (لینین)
    هاورێی (ئەتا )بوو
    لە تۆرۆنتۆ
    چوار کرێکاری ئەستەمبوڵ ی
    کارم لەگەڵ دەکەن
    مناڵەکانییان (کورد)ی زانن
    پیاوێکی (ئێران)ی
    بۆنی خوێی(زرێبار)ی لێدێت
    (قاتل)ی ماسییە کوژراوەکانی دووای کارەساتی ١٩٧٩رە
    لەوێ ئاو ڕاویناوەو
    لێرە سوورەماسی دەفرۆشێت
    هەموو مانگێک دەچم بۆلای
    ئەو باسی (ڕەفسنجان)یم بۆ دەکات
    من جەلادەکانی وڵات
    ئەو کابرایەی ناوی (ئەنفاڵ) بوو
    خەڵکی(ڕووتبە) بوو
    (کورد) ێک بووە چاوساغی
    بەزۆر دایکم یان نارد بۆ لافاوی( ئەنفال)
    کەچی خاڵۆم کتێبەکەی باپیری
    لەسەرو ڕەفەکەی ژوورسەری
    داناوە بۆ چاوەزاری
    لێرە بێکاری مرۆڤ ڕادێنێت
    ببێتە سەگی کؤڵانەکانی شار
    لەم سەرزەمینی لە یەکتری دابڕانە
    لە ماڵی هەر مرۆڤێکی نامۆ
    وردە شووشەی ژیان ڕژاوە
    خوێن دەگری
    کەس نایبیسێت!
Previous
Next