گۆڤاری (تۆپزاوە ) به هاوبه‌شی له‌گه‌ڵ (رێكخراوی كوردستان بێ جینۆساید)، كۆنفڕانسێك تایبه‌ت:
گۆڤاری (ف ) به هاوبه‌شی له‌گه‌ڵ (رێكخراوی كوردستان بێ جینۆساید)، كۆنفڕانسێك تایبه‌ت:
(به تاوانناساندنی نكۆڵیكردن له جینۆسایدی گه‌لی كورد و پیاهه‌ڵدان به رژێمی به‌عس) ســــــــــاز ده‌كات.
ئامانجی كۆنفڕانس:
كۆنفڕاس ده‌یه‌وێت له رێگای به‌شداری نووسه‌ران و توێژه‌ران و چالاكوانانی بواری جینۆساید و نوێنه‌ری دامه‌زراوه‌كانی حكومه‌تی هه‌رێم، وتوێژێكی كراوه سازبكات سه‌باره‌ت به:
یه‌كه‌م: گرنگی به تاوانناساندنی نكۆڵیكردن له جینۆسایدی گه‌لی كورد و پیاهه‌ڵدان به رژێمی به‌عس.
دووه‌م: هۆكار و پاڵنه‌ره‌كانی سه‌رهه‌ڵدانی دیارده‌ی ستایشكردن و پیاهه‌ڵدان به ڕژێمی به‌عس و تاوانبارانی جینۆساید.
سێیه‌م: ئازادییه‌كانی تاك و ئازادی ڕۆژنامه‌وانی و دیارده‌ی پیاهه‌ڵدان به ڕژێمی به‌عس و تاوانبارانی جینۆساید.
له‌و چوارچێوه‌یه‌دا پێنج توێژینه‌وه له‌لایه‌ن پێنج نووسه‌ر و ئه‌كادیمیست به‌م ناونیشانانه پێشكه‌ش ده‌كرێت:
1ـ ستایشی سته‌مكار وه‌ك جۆرێك له تاوان
2ـ دیارده‌ی ستایشكردنی به‌عس و كاریگه‌رییه‌كانی له‌سه‌ر نه‌وه‌ی داهاتوو
3ـ كۆمپانیاكانی ئه‌ڵمانیا له نێوان نكۆڵیكردن له هه‌ڵه‌بجه و دانپێدانانیان له تاوانی هۆلۆكۆستدا
4ـ سایكۆلۆجی قوربانی و جه‌للاد و تراجیدیای ئه‌نفال
هاوكات بۆ خستنه‌ڕووی دید و بۆچوونی حكومه‌ت، به تایبه‌ت هه‌ردوو وه‌زاره‌تی رۆشنیری و وه‌زاره‌تی كاروباری شه‌هیدان و ئه‌نفالكراوان له رووی په‌یوه‌ندییان به پرسی جینۆساید و رۆڵی میدیا له دیارده‌ی پیاهه‌ڵدان به رژێمی به‌عس، پانێلێك بۆ نوێنه‌رانی ئه‌و دوو وه‌زاره‌ته به هاوبه‌شی له‌گه‌ڵ نوێنه‌رانی سه‌نته‌ری میترۆ بۆ داكۆكی له مافی رۆژنامه‌نووسان و نوێنه‌ری یه‌كێتی نووسه‌رانی جینۆسایدی كوردستان ساز ده‌كرێت.
ئامانج له‌م پانێڵه تێشك خستنه سه‌ر دید و بۆچوونی ئه‌م دوو وه‌زاره‌ت له‌سه‌ر دیارده‌ی پیاهه‌ڵدان به ڕژێمی به‌عس و به‌رپرسیارێتی ئه‌م دوو وه‌زاره‌ته له‌مه‌ڕ ئه‌م دیارده‌یه و هه‌نگاوه‌كانی چاره‌سه‌ری.. هه‌روه‌ك نوێنه‌رانی سه‌نته‌ری میترۆ و یه‌كێتی نووسه‌رانی جینۆساید، قسه له‌سه‌ر به‌رپرسیارێتی رۆژنامه‌نووسان و نووسه‌ران بۆ روبه‌روبونه‌وه‌ی ئه‌م دیارده‌یه ده‌كه‌ن.
لیژنه‌ی ئاماده‌كار
ده‌ستپێكی كۆنفڕانس
وته‌ی به‌خێرهاتن
وتاری كۆنفڕانس له‌لایه‌ن هێمن حه‌سیب، سه‌رنووسه‌ری گۆڤاری تۆپزاوه، به ناوی هه‌ردوو لایه‌نی رێكخه‌ری كۆنفڕانس.
به‌رنامه‌كانی كۆنفڕانس
ده‌ستكردن به به‌رنامه‌ی كاری كۆنفڕانس
پانێلی یه‌كه‌م ـ (10.00 بۆ11:30)
به ناونیشانی (دیارده‌ی پیاهه‌ڵدان به رژێمی به‌عس و لێكه‌وته‌كانی)
توێژه‌ران ناونیشانی بابه‌ت و توێژنه‌وه‌كان
سه‌لاح گه‌رمیانی: سایكۆلۆجی قوربانی و جه‌للاد و تراجیدیای ئه‌نفال
له‌تیف فاتیح فه‌ره‌ج: ستایشی سته‌مكار وه‌ك جۆرێك له تاوان
جوتیار ئیبراهیم: دیارده‌ی ستایشكردنی به‌عس و كاریگه‌رییه‌كانی له‌سه‌ر نه‌وه‌ی داهاتوو
ئیراد منوچر سان ئه‌حمه‌د: كۆمپانیاكانی ئه‌ڵمانیا له نێوان نكۆڵیكردن له هه‌ڵه‌بجه و دانپێدانانیان له تاوانی هۆلۆكۆستدا
پانێلێ دووه‌م ـ (11:45 بۆ كاتژمێر 1ـی نیوه‌ڕۆ)
به ناونیشانی ( گرنگی به تاوانناساندنی پیاهه‌ڵدان به رژێمی به‌عس)
د. موحسن ئه‌دیب به‌ڕێوه‌به‌ری گشتی رۆشنبیری سلێمانی و نوێنه‌ری وه‌زاره‌تی رۆشنبیری و لاوان
خه‌لیل ره‌حیم كه‌ریم به‌ڕێوبه‌ری به‌ڕێوبه‌رایه‌تی كاروباری شه‌هیدان و ئه‌نفالكراوانی كه‌ركوك و نوێنه‌ری وه‌زاره‌تی كاروباری شه‌هیدان و ئه‌نفالكراوان
نووسه‌ر (سالار مه‌حمود) سه‌رۆكی یه‌كێتی نووسه‌رانی جینۆسایدی كوردستان
رۆژنامه‌نووس (دیاری حاجی محه‌مه‌د) به‌ڕێوه‌به‌ری سه‌نته‌ری میترۆ بۆ داكۆكی له مافی رۆژنامه‌نووسان
پێشكه‌شكردن و خوێندنه‌وه‌ی به‌لاغی كۆتایی
سازدانی گه‌شتێك بۆ سه‌ربازگه‌ی تۆپزاوه، شوێنی زیندانیكردنی ئه‌نفالكراوان.
Dengekan
دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.
