کۆچی دووایی پرۆفیسۆر ئەمیر حەسەن پور ١٩٤٣ – ٢٠١٧

ئەمڕۆ ٢٤/٦/٢٠١٧ کاتژمێر ٦ی بەیانی بە کاتی تۆرۆنتۆ کەسایەتی ڕۆشنبیر و کۆمۆنیست پرۆفیسۆر ئەمیر حەسەن پور بۆ یەکجاری ماڵئاوایی لێکردین.
پرۆفیسۆر ئەمیر حەسەن پور کەسایەتییەکی ناسراوی نێوەندی ئەکادیمیایە لە ئاستی ناوچەیی و جیهانیدا. خاوەنی دەیان نووسین و توێژینەوەیە لە بوارەکانی زمان و جینۆساید و مێژوودا. کەسایەتییەک ئەگەر تەمەن و تەندرووستی ڕێیان دابایە زۆر شتی تری دەخستە سەر خەرمانەی ئەکادیمیایی کوردی.
دکتۆر ئەمیر کەسایەتییەکی دامەزراو بوو لە ڕووی فیکرەوە و هەڵگری بیرو باوەڕی کۆمۆنیستی بوو. هەموو ئەو گۆڕانکاری و بەسەر یەکتدا کەوتنەی بەناو بلۆکی کۆمۆنیستی و هەراو زەنای مەرگی کۆمەنیزم نەیانتوانی کاریگەری نەگەتیفانە دابنێت لەسەر زهنیەتی ئەم ئینسانە.
دکتۆر ئەمیر لە دوواین قسەو باسەکانیدا لە دوو ساڵی تەواو پێش ئێستادا لە سیمنارێکدا لە شاری تۆرۆنتۆ کە وەکوو ناوەندی کەلتوری کوردستانیانی کەنەدا بۆیمان سازکرد بوو، زۆر ڕۆشن پێداگری لەسەر حەقانیەتی دونیای سۆشیالیزم دەکرد و بە تاکە چارەسەری دەبینی بۆ نەهامەتێکانی ئەمرۆی دونیا. شایانی باسە لەو سیمنارەدا پشتیوانی تەواوی خۆی دەربری بۆ ئەزمونی کوردستانی ڕۆژئاوا.
لێرەوە وەکوو دەنگەکان پرسەو سەرەخۆشی خۆمان بۆ هەموو ئەوکەسانە ڕادەگەیەنین کە هەواڵی مەرگی دکتۆر ئەمیر دڵتەنگی کردن.

لێرەدا لینکی نووسینێکی دکتۆر ئەمیر دادەنێن کە نۆ ساڵ پێش ئێستا لە دەنگەکاندا بڵاوی کردۆتەوە:

http://dengekan.info/%D9%87%D9%87-%D9%84%D9%87-%D8%A8%D8%AC%D9%87-%D8%AF%D9%88%D8%A7%DB%8C-%D8%A8%DB%8C%D8%B3%D8%AA-%D8%B3%D8%A7%DA%B5%D8%A7%D9%86-%DA%A9%D9%88%D8%B1%D8%AF%D8%B3%D8%AA%D8%A7%D9%86-%D9%88%D9%87-%DA%A9-q/

یادت بەرزو بەڕێز بێت

دەنگەکان
24/6/2017

Dengekan

دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.