بەهمەن قوبادی بووە ئەندامی رەسمی ئاکادیمیای ئۆسکار گەورەترین رێکخراوەی سینەمایی جیهان
مەنسوور جیهانی ـ سینەماکاری نادواری کورد “بەهمەن قوبادی” بووە ئەندامی رەسمی ئاکادیمیای “ئۆسکار” گەورەترین رێکخراوەی سینەمایی جیهان.
ئاکادیمیای زانست و هونەرە سینەماییەکانی “ئۆسکار” کە لە ئێستادا بە گەورەترین و گرینگترین رێکخراوە سینەمایی جیهان دێتە ئەژمار، هەموو ساڵێک ژمارەیەک لە سینەماکارانی ناودار و ناسراوی جیهان لە بەشە جۆراوجۆرەکانی سینەمادا بانگهێشت دەکات و دەبنە ئەندامی رەسمی ئاکادیمیای “ئۆسکار”.
ئەمساڵ سینەماکاری ناودار و بەئەزموونی کورد “بەهمەن قوبادی” کە بە فیلمەکانی بۆتە سینەماکاری بەناوبانگی کوردی ئێرانی لە ئاستی نێودەوڵەتیدا لە ساڵی 2017 بە رەسمی لە لایەن ئاکادیمیای “ئۆسکار”ەوە بۆ بەئەندامبووم لەم رێکخراوە گرینگە بانگهێشت کراوە.
لە ئاکادیمیای “ئۆسکار” ئەندامییەتی تەنیا بە کەسانێک دەبەخشرێت کە لە هونەرەکانی پەیوەسیت بە سینەما دەستکەوتی بەنرخیان بەدەستهێنابێت و شایستەی ئەوەن کە لە لایەن لێژنەی هەڵبژاردنەوە پەسەند بکرێن.
پێشتریش لە مانگی ژانوییەی 2017 “بەهمەن قوبادی” بە رەسمی ببوە ئەندامی بنکەی سینەماکارانی ئەمەریکا.
Dengekan
دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.
