ژینگه‌پارێزم … ڕۆسته‌م خامۆش
بۆ مناڵان …….
ژینـگـه پارێـزم دڵسـۆزی خاكــم
په‌روه‌رده‌ی ده‌ستی سێ كه‌سی پاكـم
ئه‌وانیـش دایه‌و بابـه‌و مامــۆستـا
هه‌رسێكیان بۆ مـن ڕووناكن ئێستـا
ژینگه پارێزم شـه‌یدای سرووشـتـم
پاك و خـاوێنـم جـوانه ڕه‌وشـتــم
شارم پیـس ناكه‌م به زبڵ و خـاشاك
له‌نێو دڵمایه خــۆشه‌ویسـتی خـاك
ژینگـه‌پارێزم مــن جـوانیـم ده‌وێ
من دۆستی ژینم شـارم خـۆش ده‌وێ
وڵاتی شیـرین كـوردستانـی خــۆم
خۆشه‌ویسته‌لام نیـشتمانـی خــۆم
ڕۆسته‌م خامۆش _ هه‌ولێر 2014
Dengekan
دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.
