بانگم کە.. شيعر: فریدون شهبازیان.. وەرگێڕانی: پشکۆ ناکام
Closed
……….بانگم کە
تا ڕێبوارێکی شەکەتی شەوێکی باراناوی
ئەمان بدۆزێتەوە
بانگم کە
تا لە شەبەقەوە تا گزنگ
سەر بڵند بم
لەو بەرەی خۆرەوە
لەو بەرەی دەریاوە
بانگم کە…بانگم کە…بانگم کە
دوای شەوی یەڵدا
تۆ خەندەی بەیانیت
لەم تاریکییە ڕزگارم کە
دەنگی باران… نەوای یاران
بێ ڕەنگی گوڵاڵە سوورەکان
..لەم وێرانییە
غەمی شاراوەی نیگای ئێمە
لەم سەرسووڕمانیە
گۆرانی بڵێ
لەو بەرەی خۆرەوە
لەو بەرەی دەریاوە
بانگم کە…بانگم کە…بانگم کە
بە ئاوازی تۆ
” کپ “ی شەو لە کێو و بیابانا
…..نامێنێ
دەنگی گەرمی تۆ
لە تاریکایی جەنگەڵا
یەتە بەر گوێ
جگە لە تۆ
كەس نهێنی گوڵ نازانێ
بۆ بەهار بخوێنە
بە “ساز”ی باران
كەس وەک تۆ گۆرانی ناڵێ
بانگم کە…بانگم کە…بانگم کە
“”””””””””””””””
June 2023
