قەساب.. لە عەرەبییەوە: پشکۆ ناکام
لە سەردەمێکا کە زۆر کۆن نیە ، جارێک ” عبد العزیز بوتفلیقة”ی سەرۆکی پێشووی ووڵاتی “جزائر” سەردانێکی بازاڕی قەساب یان گۆشت فرۆشەکانی کرد بوو ، لە کاتی گەڕانیا بە خۆی و حیمایە زۆرەکانیەوە لەبەر دەم دوکانێکا کە گەنجێکی لێ بوو وەستا و کەوتە قسە کردن لەگەڵیا :
سەرۆک : گۆشتەکەت لە خراپ ناچێ ، بازاڕت چۆنە ، هەیە ؟ قەساب : تاڕادەیەک باشە گەورەم…
سەرۆک : ئەمڕۆ چەن کیلۆت فرۆشتوە ..؟
قەساب : قوربان هیچم نەفرۆشتوە ..
سەرۆک : بۆ..؟
قەساب : بەهۆی سەردانەکەی جەنابتانەوە کەس بۆی نیە بێتە ناو ئەم بازاڕەوە گەورەم..
سەرۆک :کەواتە با سفتاحت من بێ ، لەم ڕانە پێنج کیلۆم بەرێ
قەساب : ناتوانم قوربان..
سەرۆک : بۆ ناتوانی ..؟
قەساب : پێش گەیشتنی جەنابتان هەموو چەقۆکانیان کۆکردۆتەوە و بردویانە گەورەم..
سەرۆک : بێ چەقۆش هەر ئەکرێ ، ئەو ڕانەم هەمووی بە یەک پارچەیی بەرێ،
قەساب : گەورەم ، بمبورە ..ناتوانم..
سەرۆک : بۆ ؟ بۆ ناتوانیت ؟
قەساب : چونکە من قەسابەکە نیم ، من خۆم پۆلیسم.. گەورەم
سەرۆک : ” بە تووڕەییەوە” بڕۆ فەرماندەکەتم بۆ بانگ کە
قەساب : قوربان ئەوەتا لەوبەر ماسی ئەفرۆشێ
سەرۆک : بۆچی بۆتە ماسی فرۆش..!؟
قەساب : چونکە مەعاشەکەی بەشی ناکا…گەورەم
سەرچاوە: ئینتەرنێت
ناوی نووسەر نادیارە
