تۆمارگای دۆڕاننەکان شیعر… نزار قبانی … وەرگێڕانی: پشکۆ ناکام
نە شەڕمان شەڕە
و
نە ئاشتیش ، ئاشتی
لە ژیانمانا هەموو شتێک
وەک فیلمی سینەمایی
……ئەگوزەرێ
خۆشەویستیمان بێ بەرنامە
هاوسەرگیریمان بێ بەرنامە
خۆشەویستیمان هەر وەک خۆشەویستی
سەرەتای فیلمەکان
و
بڕیاریش لە مەرگمان دراوە
هەروەک مەرگی
کۆتایی فیلمەکان
هەر بازرگانی خەیاڵە
دەنا هیچ ڕۆژێک
مشکێکیشمان نەبەزانوە
فەرماندە و سەرانمان
هەموویان خراونەتە قووتوی
…فیلمەکان
“”””
دۆڕانن
بەدوای دۆڕانن ،
چۆن شەڕێک ببەینەوە
كاتێ ، ئەکتەر
و
وێنەگر
و
دەرهێنەر
هەموویان :
لە وەزارەتی ڕاگەیانن و ڕۆشنبیرییەوە
خۆیان فێری
شەڕ کردن کردوە !!
“”””
هەر چەن ساڵ جارێک
فەرمانڕەوایەک
” یەک ڕیزی ” لەناو جێگایا
سەر ئەبڕێ
و
خەوەکان لەبار ئەبا
هەر چەن ساڵ جارێک
فەرمانڕەوایەک
فەرمان ئەکا
و
خۆر بەرەو سەکۆی
لەسێدارەدان ئەبرێ
“””””
هەر چەن ساڵ جارێک
عاشقێکی خۆ لە خۆ ڕازی
یەتە لامان
و
خۆی بە حەزرەتی مەهدی
و
ڕزگارکەر و نەمر
و
زانا و پیرۆز و لێزان
ئەناسێنێ
“”””’
هەر چەن ساڵ جارێک
پیاوێکی قومار چی
یەتە لامان ، تا :
ووڵات و خەڵک و فەرهەنگ
و
ڕۆژ هەڵاتن و ڕۆژ ئاوابوون
و
نێر و مێ
شەپۆل و دەریا
لەسەر مێزی قومارەکەی
بە بارمتە ، دائەنێ
“””””’
لە خوێننەوەی مێژوو
درۆ ئەکەین…
لە خوێننەوەی هەواڵەکان
بۆ سەرکەوتن
درۆ ئەکەین…
