Skip to Content

كۆلنەدان: كلـــیلی ســـەركـــەوتن … قەدریە یاسین

كۆلنەدان: كلـــیلی ســـەركـــەوتن … قەدریە یاسین

Closed
by ته‌مموز 13, 2019 General

‎لە یەكێك لە شارەكان سەنتەرێكی جوانكاری هەبوو، ناوبانگێكی باشی دەركردبوو.بەجۆرێك وای لە سەنتەرەكەی كردبوو لە گشت ولاتانی دنیا خەلكی سەردانی بكەن.
‎شایەنی باسە بەرێوبەری سەنتەرەكە ئامانجێكی هەبوو ، ئەویش ئەوەبوو سەنتەرەكەی بە باشترین سەنتەری جوانكاری بناسێنێت لە تەواوی دنیا…. لە هەركێیەكت بپرسیبا سەبارەت بە ڕای خۆی لەسەر سەنتەرەكە بە باشترین سەنتەر وەسفی دەكرد …. بەلام ڕای خەلكی بەس نەبوو تاوەكو ئەوە بسەلمێنێت، ئەو كەسەی بریار لەسەر ئەم شتە دەدا رەخنەگرێكی بەناوبانگ بوو كەوا دەچوو سەردانی سەنتەرەكانی دەكرد و ڕای خۆی لەسەر دەگوتن ، ئەم رەخنەگرە بە كەسێك ناسرا بوو كەوا بەزەحمەت بە شت ڕازی دەبوو ، وە دەبوایە هەموو شتێك كەموكوریەكی لێ گرتبا …..
‎ئەم رەخنەگرە كاتێك گوێبیستی چەند قسەوباسێك بوو لەسەر چاكی سەنتەرەكە بریاریدا سەردانێكی سەنتەرەكە بكات ، وە ئەم هەوالە بە بەرێوبەری سەنتەرەكە درا.

‎بەرێوبەر بەپەلە كۆبونەوەیەكی لەگەل دەستەی بەرێوەبردنی سەنتەرە گرێدا و تیایدا باسی گرنگی ئەم سەردانەی كرد ، كەوا لەوەتەی سەنتەرەكە دامەزراوە چاوەرێی ئەم كاتە بووە!…. فەرمانی دا كەوا هەموو بەشەكان بەباشترین شێوە خۆیان ئامادە بكەن بۆ ئەم سەردانە .
‎رۆژی سەردانەكە هات و رەخنەگر تەشریفی هێنا بۆ سەنتەرەكە ، بەرێوبەرەكە پێشوازیەكی گەرمی لە جەنابی رەخنەگر كرد و چوون تاوەكو سەیرێكی بەشەكانی سەنتەرەكە بكەن ، بەرێوبەرەكە بە شێوەیەكی جوان باسی بەشەكانی سەنتەرەكەی دەكرد بەلام ئەوەی سەیر بوو ئەوەبوو كەوا رەخنەگرەكە بەهیچكام لە بەشەكان سەرسام نەبوو، ئەم شتە لە دەموچاوی دیاربوو …. كە گەیشتنە كۆتایی گەشتەكەیان بەناو سەنتەرەكە رەخنەگرەكە بە بێ هیواییەوە وتی:ئەمەش وەكو سەنتەرەكانی تر كەلێنێكی بەتالی گەورەی تیایە….
‎ئەم قسەیە بۆ بەرێوبەرەكە وەكو رووخانێك بوو بۆ ئامانج و خەونەكانی ، بەلام نەیویست كۆلبدات، بۆیە داوای لە رەخنەگرەكە كرد كەوا هەلێكی تری پێبدات تاوەكو كەلێنەكە پربكاتەوە….
‎پاش بیركردنەوە رەخنەگرەكە ماوەی (٣)مانگی بە بەرێوبەرەكەدا تاوەكو بەشێك بنیادبنێت كە جێگای رازیبوونی بیت….

‎پاش (٣)مانگ رەخنەگرەكە چویەوە بۆ سەنتەرەكە، بەرلەوەی بچن و سەیری بەشە نوێیەكە بكەن ، بەرێوبەری گەنج ویستی چەند قسەیەك بكات….
‎بەرێوبەر: پاش ئەوەی تۆ هەلێكی ترت پێدام، بۆماوەی مانگێك بیرم كردەوە كەوا سەنتەرەكەم لەچی كەمە كەوا لەلای بەرێزتان كەلێنێكی بەتالی گەورەی تیادایە …. تا لەكۆتاییدا گەیشتم بە وەلامێك بۆ پرسیارەكانم و دەستم كرد بە دروستكردنی بەشە نوێیەكە.
‎ئینجا چوون بۆ بەشە نوێیەكە … كە گەیشتنە دەروازەی بەشە نوێیەكە ، لەسەری نوسرابوو (بەشی جوانكاری رووح)،لەدەموچاوی رەخنەگرەكە سەرسامبوون بەدیدەكرا ، بۆیەش بەرێوبەرەكە ویستی بۆی روونبكاتەوە….
‎بەرێوبەر: ئەوكاتەی كە بیرم لە بەشێكی تازە دەكردەوە ئەوەم بەمێشك داهات كەوا هەندێك خەلك پێویستە جوانكاری رووخساری نا ، بەلكو جوانكاری ناخیان بۆ بكرێ، وەك: گەورەكردنی دل، لابردنی رق، شكاندنی خانەكانی شەر لە نەفسیدا، پركردنەوە ویژدانە لاوازەكانیان….
‎ هەربۆیە ئەم بەشەم بنیادنا…. ئێستاش با سەیرێكی بەشە هەرە گرنگ و نوێیەكەی سەنتەرەكە بكەین….

‎رەخنەگرەكە بە جۆشی ئەوەی بزانێ ئەم بەشە لەچی پێكدێت رۆشتە ژوورەوە…
‎هەر كە چووە ژورەوە بینی بەشەكە چەند رێگای تری لێ جیادەبێتەوە ، بەلام لەراستیدا هەمویان بۆ یەك مەبەست بوون ، كە ئەویش(خوا پەرستی)بوو…..
‎هەریەكە لە رێگاكان ، لە دەروازەكەی ناوی تایبەتی ئەو ئایینانەی لەسەر بوو كەوا خەلكی شارەكە لەسەری بوون ، بۆ نمونە :لەسەر دەروازەی یەكەم نوسرابوو (ژووری خوشك و برا موسلمانەكان)، لەسەر دەروازەی دووەم نوسرابوو(ژووری خوشك و برا مەسیحیەكان) ، و لەسەر سێیەمیان ( ژوری خوشك و برا جولەكەكان)…هتد
‎ وە ئەوەی لەناو ژوورە جیاكاندا هەبوو (كەنیسە و مزگەوت و شوێنی خودا پەرستی بوو) … لەمەوە رەخنەگرەكە زانی مەبەست لە (جوانكاری ناخ) چیە! ، رەخنەگرەكە چاوی فرمێسكی تیا قەتیس مابوو …. رێك ئەوكاتە دەستی كرد بەچەپلە لێدان بۆ بەشە ناوازەكەی بەرێوبەر…. هەر بەهۆی ئەم بەشە سەنتەرەكە بوو بەیەكەم سەنتەری جوانكاری كەوا رەخنەگرەكە بی كەموكورت باسی كرد و بەهۆی كۆلنەدانی بەرێوبەر بە ئامانجی گەیشت.

mm

دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.

Previous
Next
Kurdish