ئەدەبی منداڵان … دوو هۆنراوە بۆ مناڵان … فەرهادئەحمەدبەرزنجی

دایکم

دایکم بەرزوپیرۆزە
کەسیکی زۆردڵسۆزە
چاوانی پڕ گەشبینی
دڵخۆشم بەبینینی
شەو و ڕۆژ بەبەردەوام
بۆگەیشتن بە هیوام
ڕێی ڕاستم پیشاندەدات
بۆچاکە هانم دەدات
لەخۆم زیاتر پەرۆشە
کەدڵخۆشبم،دڵخۆشە
بۆیە بەڵێن بێت دایە
ڕەنجت نادەم بەزایە
گشت ئامۆژگاریەکانت
وتەو کردەوەکانت
دەکەم بەیاسای ژیان
ڕۆشن وەکودەم بەیان
پاشەڕۆژ کەگەورەبوم
دەڵێم پەروەردەی تۆبوم
هەوڵ وماندوبونی تۆ
منی گەیاندە ئەمڕۆ
باشترین ژن لەجیهان
لەلای من،تۆی دایەگیان.

سەردان

گوێم لێبگرن مناڵان
من کە دەچم بۆماڵان
لەگەڵ دایک و باوکی خۆم
زۆرهێمن و لەسەرخۆم
ڕێز لەخاوەن ماڵ دەگرم
بیانوی نابەجێ ناگرم
ئەگەر منداڵیان هەبوو
دەبمە هاوڕێی زوبەزو
یاری لەگەڵدا دەکەم
وەک خۆم ئاسودەی دەکەم
کەلوپەلی ناشکێنم
لەخۆمی ناڕەنجێنم
رەوشتی سەردان وایە
دوور لەشەڕ و هەرایە۰

فەرهادئەحمەدبەرزنجی

Dengekan

دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.