کچەی نێرگز… عارف کوردە
Closed
هیچ نازانم
چی جوانە، دڵ ڕفێنە
چەپکە نێرگزی ناو دەستت
یان بریسکەی ئەو چاوانە
هیچ نازانم
چی دڵ بەخور..پە… ئەهێنێ
ناسکی نێر..گز
سێوی باخەڵ
یان تەتەڵەی ئەو ..لێوانە.
هیچ نازانم..
باڵای نێرگز شۆخ و شەنگە؟
یان ئەو کیژەی
خۆی بووە بەنێرگز و
لەرەی باڵای وەک شەبەنگە.
هیچ نازانم
لەهاوکێشەی ئەم ژیانە
بۆچی ئەبێ.. تۆ لێرەبی
لەناو ئەم ترافیکانە
دەستەکانت چەپکە نێرگز
خۆشت بویتە..بەئینجانە.
عارف کوردە
