ههقه ئیدى بزانم … زیاد ڕهشاد قادر
من كه بهیانییهك له خهو ههڵدهستم و
بزهى شهرمنى شاگوڵ نابینم
ئهوسا تێدهگهم
چ خهمگینه باخى ژیان بێ ئاوازى گوڵ
من كه هێوارهیهكى نارنجى
به بێ حزوورى شیعر بهسهرمدا تێدهپهڕێ
ههنگینێ دهزانم
چ كارهساتێكه غیابى خهیاڵ لهم ڕۆژگارهدا
من بوونهوهرێكى سهیرم سهیر
تا مانگ چارشێو نهخاته سهر ڕووخسارى
له سیحرى درهوشانهوه حاڵى نابم
تا ئهو كاتهى
پهلكهزێڕینه لهسهر شنگ و تاقهتى خۆیهتى
ناچم سیڵفییهكى لهگهڵ بگرم
واى له من
پێش وشكبوونهوهى لهعلى ئاونگ
بهدیار پیربوونى گوڵه جۆیهكهوه
ناچم پێى بڵیم سوبحت بهخێر بووكى بههار
من لهمهودوا دهبێ به جۆرێكى تر بڕوانم
دهبێ به چهشنێكى دیكه جوانى ڕاڤه بكهم
گهرهكه ناوه ناوه به تهیرولحوب بڵێم
ڕهحمهت لهوهى ئهم گۆرانییه خۆشهى فێر كردى
پێویسته لهمهودوا جار جار
بچرپێنمه گوێى دار قهزوان
چییه ئهوڕۆ له ههموو ڕۆژێك جوانترى
دهبێ زوو زوو بههانهیهك بدۆزمهوه و
به پهنگوینه ڕهنگپهڕیوهكهى باخچهى ئاژهڵان بڵێم
ئۆه ئهوڕۆ ڕهنگت زۆر خۆشتره له دوێنێ
دهبێ لهمهودوا واز لهم تهبیعهته وشكهم بێنم
چى تێدهچێ ئهگهر
له بزهكردن بۆ چقڵیش كهمتهرخهم نهبم
تهنانهت له نزاى خێر بۆ هاتنه سهر ڕێى هیدایهتى گورگیش
ڕهزیلى نهكهم
ههقه ئیدى ئهزموونى ژیان ئهوهندهى فێر كردبم
تا دڵى ڕهنجاوى گهڵایهك چاك نهكهمهوه
چاوم نهچێته خهو
ههقه ئیدى فێر ببم
لهباتى تاكێ نهعل
به دوو قسهى خۆش
سیسركه له ماڵهكهم بكهمه دهرهوه
ههقه ئیدى ئهگهر هاوڕێكهم
قسهیهكى تاڵیشى پێ گوتم
ئهوهنده ئازایهتیم تێدا ههبێ بڵێم
كه خۆت ئهوهنده شیرینى
قسهیهكى تاڵیش پێویسته بۆ هاوسهنگى ژیان
ههقه ئیدى بزانم
ئهم دونیایه كه پێنج و دوو ڕۆژێكه
دڵى دڵشكێنهكانیش نهشكێنم
لهگهڵ جهفاكارهكانیش جهفا نهنوێنم
ههقه ئیدى بزانم
وهك چۆن ژیان ئهو ئاههنگه چراخانه نییه
كه من دهمهوێ
وهلێ ئهوهندهش جهنگهڵستانێكى تاریك نییه
كه ههندێ جار بیرى لێ دهكهمهوه
زیاد ڕهشاد قادر
ههولێر
