Skip to Content

چیرۆکێکی بێ کۆتایی … نەوزاد بەندی

چیرۆکێکی بێ کۆتایی … نەوزاد بەندی

Closed
by تشرینی دووه‌م 16, 2019 General, Poems

کورتە چیرۆکی
من و تۆ
ھەڵەیەکی ھەر زۆر جوان بوو

ڕەنگە بڕوا نەکەی بڵێم
نووسەرەکەیشی
باران بوو ..؟

مناڵییەکی ناکاو بوو ،
لە مناڵیی زۆر بەریئتر ..
لە دەشتێ کانییەک ئاو بوو
لە ئۆقیانوس زۆر بەرینتر ..

ئەم چیرۆکە کۆتاییەکەی
ھەر خۆی نادا بە دەستەوە ..
لە ڕۆژی باراناوییەوە
ئەڕواتە ناو ھەڵبەستەوە ..

خۆت سەرقاڵکردووە
ھەتا
لەو پەتایە چاک بیتەوە..
خۆت تاریک کردووە
ھەتا
بە حیساب ڕوناک بیتەوە..

نازانی
ئەگەر وونیش بیت ،
ھەر لە زۆنی من دەرناچی ..
تۆ وەک خۆر
بە تێپەڕ بوونی
ساڵ و سەدە
بەسەر ناچی ..

منیش
کە لە پاڵ چەند وشە و
چەند دێڕێ
خۆم حەشار داوە ..
لە مناڵێکی نەفام ئەچم
نازانم
بۆ مانگ گیراوە !!؟

mm

دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.

Previous
Next
Kurdish