ڕووت … تێکست : د. چیا زەنگنە وەرگێڕانی: پشکۆ ناکام
بۆ چەک
بووین بە بازاڕێک
بوین بە کۆیلە
بە فرۆشراوێک
مەحکوومین بە ترس
بۆیان بووین بە پاسەوان
حەو…حەو
ئیشمان هەر وەڕینە
لە کاتێکا ڕووت و قووتین
بووین بەبازاڕی نەوت
لەژێر بارانا
لەژێر بەفرا
بەرامبەر ڕەشەبا
شەو و ڕۆژ
پارچەی لەشمان
بە هەموو شوێنێکا
كەووتوە…لێرە و لەوێ
نیشتمان
بووە بە “قەحبە”یەک
ڕووت و قووت
هەر کەسێ هاتە لامان
ئەتکی کرد
ئەتکیان کرد :
بەناوی خواوە
بەناوی سەربەخۆییەوە
بەناوی دیموکراسییەوە
لەژێر باری چەکا
بووین بە زۆرانخانەیەک
بۆ کۆشتن…بە ئاگاییەوە
لە هەنوو شوێنێکەوە بەکرێ گیراو
وەک گەشتیار ڕوومان تێئەکا
بەترسەوە ئەنووین
بە ” زەڕین” ی بەیانیانەوە
بەخەبەر یەین
جواردەورمان
مووشەک
…. سوپا
….سەرکردە
و
تینوانی خوێنە
خۆمان
نیشتمانمان
ئینسانی بوونمان
جەستەمان دائەپۆشێ
گەلێک بێ پانتۆڵ
بێ کراس
بێ شەبقە…..بێ ملپێچ’
هیچ دامان ناپۆشێ
ڕووت.
تێکست : د. چیا زەنگنە
وەرگێڕانی: پشکۆ ناکام
