Skip to Content

مانیفێستی تەنیایی ڕاگوزەر بە غەریبیدا … زانا سامان

مانیفێستی تەنیایی ڕاگوزەر بە غەریبیدا … زانا سامان

Closed
by كانونی دووه‌م 18, 2020 General, Poems

دوور و نزیک شەقامەکانی مەستیم تەیکرد، ئەمشەو
گۆرانی دیلانم دەچڕی و
گەنجە سەرمەستە ئەڵمانەکانیش
وتنەوەی
مانیفێستی تەنیایی من،
من هەر خۆم بووم و هەر خۆیشم نەبووم
هەتا زیاتر ئەستێرەکانم بژماردبا
زێدەتر لەگەڵ ژیان ئەدۆڕام
ئێستایش ژیان
دوو هەزار و بیست ساڵی خۆیشی هەیە و
منیش وەک هەمیشە هیچ،
هیچ لکاوە بە تەمەنمەوە
لە خۆم ئاڵاوە
لەناو ژیندا هێند بەرجەستەیەکی ساردەوە بووم
دەڵێی لەکەنار دەریایەکی بەستوودا
خەوێکی تائەبەد گرتوومی،
چ نییە ئازیزانم
چ نییە …
بێتاقەتی هۆرەی مەراقیش
ئەقۆزێتەوە بۆ خۆی،
چاتر نییە …شیعرم هەر ساویلکەیەکەو
پێنووس خوێنم هەڵدەمژێت
بۆ مانەوەی
پەردە پۆشی ژیانی من.

زانا سامان

Previous
Next
Kurdish