Skip to Content

ژیان جوانە …شیعر : سهراب سپهری  وەرگێڕانی : پشکۆ ناکام

ژیان جوانە …شیعر : سهراب سپهری وەرگێڕانی : پشکۆ ناکام

Closed
by ئازار 24, 2020 General, Poems

” زندگی زیبا است “

“”””””””””””

……. ژیان
پەرۆشی گەیشتنە بە هەمان
سبەیە کە نایەت
تۆ نە لە دوێنێ ی و نە لە سبەی
لاپەڕەی ئەمڕۆ
پڕە لە ” بوون “ی تۆ
شایەت ئەو خەندەیەی ئەمڕۆ
پێی قایل نەبوویت
دوا فورسەتی ” هاوڕێگا” بوون بوایە
……ئومێدە وا بوایە
ژیان یادێکی سەیرە
كە لە سینەی خاکا مایەوە
ژیان ، سەوزترین ئایەتی
ئەندێشەی پەڕەیە
ژیان ، خەیاڵی یەک دڵۆپی دەریا
لە ئارامی ڕووبار
ژیان ، هەستی گوڵ گرتنی
یەک بێستانە، لە باوەڕی ” تۆو”ە وە وە ،،
ژیان ، باوەڕی دەریایە
لە بیری ماسیەکانا
لە ” تەنگ ” بوونی ناو دەریا
ژیان ، دەربڕینی ڕووناکی خاکە
لە ئاوێنەی عەشقا
ژیان ، تێگەیشتنی تێنەگەیشتنەکانە
ژیان ، پەنجەرەیەکی کراوەیە
بە ڕووی دونیای “بوون”ا
تا ئەو پەنجەرەیە کراوە بێ
دونیا بۆ ئێمەیە
……ئاسمان
……نوور ” ڕووناکی “
……عەشق
…….بەختەوەری بۆ ئێمەیە
دڵنیابین لە فورسەتی
كردنەوەی ئەم پەنجەرەیە
دەرگا بۆ نوور دانەخەین
دەرگا بۆ ئارامی پڕ میهرەبانی
شەماڵ دانەخەین
پەردە لە دڵا لابەین
بە پەرۆش و حەماسەوە
سڵاوێک بکەین
سڵاوێک بکەین

Previous
Next
Kurdish