Skip to Content

عیشقێ بێ وشە … شیعر/کاوە عوسمان عومەر

عیشقێ بێ وشە … شیعر/کاوە عوسمان عومەر

Closed
by تشرینی یه‌كه‌م 26, 2020 General, Poems

( 1 )
قورسە تێبگەین
لە عیشقی پەروانەیەک بۆ گڕ
هەروەک قورسە لەوە بگەین
بۆ وەک جگەرەیەک
تا دوای وەرینی کۆتا سوتوو
دڵێک بۆ دڵێکی تر..
ئەبێتە سوتماک

( ٢ )
تاسەی رۆشتنێ،
هێشتا لە هەیوانەکا
لە زەنگێکی وەڕسکەر زیاتر
دەنگ ئەداتەوە
خۆ عیسایەکی تر
لە خاچ نەدراوەتەوە
چما ئەم هەموو زەنگە زەنگە
مێشکی شاعیرێک،،
ئەزرنگێنێتەوە

( ٣ )
بێ وشە..
ئەم جارە عیشق ئەکەین
مەرج نیە
شتیش بۆ یەک بنوسین
با نمە سارد و
و گەڵا وەریوەکان
وورتەی لێومان بن
شەپۆل پیانۆی ،،
سەر زەریای تەنیایی و
ڕەشەباش
قەڵەمی سەر نامەی رێگا
مەلێکیش
لە سۆراخی گۆمی ..
ئەرخەوانی دڵێکا
لە چاومانا بگەڕێ

mm

دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.

Previous
Next