مێژووی ئێمە.. شیعر: ئەردڵان سرفراز.. وەرگێڕانی: پشکۆ ناکام
مامۆستای مێژووی ئێمە
هەرگیز پێ ی نەووتین چۆن
چۆن ڕابردوو بوە چیرۆک
و
بێ چەن و چون چۆن ڕوویان یا
چیرۆکەکانی مێژووی ئێمە….
مامۆستای مێژووی ئێمە
عاشقی ئازادی بوو
تەنها حیکایەت خوانێکی باش
ڕۆژهەڵاتییەکی سادە و ئاسایی بوو
خۆزگە مامۆستای مێژووی ئێمە
پێ ی بووتینایە کە چۆن
مێژوو ، ترسنۆکێکی بێ شەرم و بەزییە
دەریای ئاگر و خوێن
پەیوەست بە ئاشووبگەرییە
مەرەکەبی شنشێر ، قەڵەمی براوەکان
خوێنی خەڵکە
لەم ئاژاوە سەیر و سەمەرەیە
مانای ئینسانیەت وونە
خۆزگە مامۆستای مێژووی ئێمە
پێ ی بووتینایە کە چۆن
لە جێ ی باوک کوڕ
جۆن بێهوودەیی لە جێ ی شەڕ
وێرانانی یەک سەرزەمین
تەنیا بە خاتری یەک نەفەر
هاوڕێیانی قۆڵبڕ
پیلانی دایکان ، کوڕ بە پاداشتی باوک
باوک کوژانی بێ کوڕ
بە تاڵان بردن و هەڕاجی خوێن
قەتڵوعامی بێ داخ لەدڵ گرتن
ساختەی مێژوویی” دادپەروەری”
ئیمان بە پیاکێشان و چەک، سەپاندن
خۆزگە مامۆستای مێژووی ئێمە پێ ی بووتینایە
چۆن نانی خیانەت
لەسەر سفرەی لەیەک تێگەیشتنایە
باری شکستی هەر بردنەوەیەک
لەسەر شانی خەڵکایە
خۆزگە مامۆستای مێژووی ئێمە
پێ ی بووتینایە کە چۆن
مێژوو ، ترسنۆکێکی بێ شەرم و بەزییە
دەریای ئاگر و خوێن
پەیوەست بە ئاشووبگەرییە
مەرەکەبی شنشێر ، قەڵەمی براوەکان
خوێنی خەڵکە
لەم ئاژاوە سەیر و سەمەرەیە
مانای ئینسانیەت وونە
گەر بە ئێمەی بووتایە چۆن
لەوانەیە ئێستا لێرە نەبوویبایە
دوورە ووڵاتانی بێ دەوار
لەگەڵ یەک و تەنها نەبووینایە
