بەهاری خامۆش.. شیعر : احمد شاملو وەرگێڕانی: پشکۆ ناکام
” بهار خاموش “
بەسەر ئەو فانۆسەی
هیچ دەستێک داینەگیرسان
بەسەر ئەو ” تەشی” ییەی
لەسەر تاقەکە مایەوە بێ دەنگ
بەسەر ئەو ئاوێنە ژەنگاوییە
بەسەر ئەو ” بێشکە ” یەی
کەس ڕاینەژان
بەهاری چاوەڕوان کراو
بێ ئەوەی بکەوێتە خۆی ، هات
لەهەر سەربانێک ڕاوەستا
……و ڕۆشت
لە هەر چیایەکا هاوارێکی کرد
…… و ڕۆشت
کەسێ پەیا نەبوو
غەمناک یا دڵخۆش ، کە پێ بخاتە
سەر جادەی خەڵوەت
کەسێ لە ساڵانی پێشتر
شاد یا غەمگین ، پەیا نەبوو
ئاهێک هەڵکێشێ…
ئاهێک هەڵکێشێ…
کەسێ لە ” کەپر”ەکەی (1) ، سەری دەرنەهێنا
نە مریشک لە هێلانە
نە دووکەڵ لە دووکەڵ کێش
هەوا بە لێیانی دەف
نەهاتە لەرزین
گوڵێ بۆ خۆی لە باغچەکەییا، نەڕوا
بەهار بە خامۆشی هات
ئەی حەسرەت بۆ ژیانی بەهاریی
کەسێ لە ” کەپر”ەکەی ، سەری دەرنەهێنا
نە مریشک لە هێلانە
نە دووکەڵ لە دووکەڵ کێش
هەوا بە لێیانی دەف
نەهاتە لەرزین
گوڵێ بۆ خۆی لە باغچەکەییا، نەڕوا
لەم” وێران سەرا” میحنەت هێنە
بەهار بە خامۆشی هات
و
حەسرەت ، بۆ جم و جۆڵێک
مۆم دابگیرسێنێ
و
دەرگا بخاتە سەرپشت
مۆم دابگیرسێنێ
و
دەرگا بخاتە سەرپشت
“””””””””””””””””””””””””””””””””””””””””””
(1)= لە شیعرەکەیا “كومە” نووسراوە کە مەبەست لێی ئەو
خانوەیە کە ڕاوچیەکان لە بیابانا بە دار و درەخت دروستی
ئەکەن و لە کوردیا ووشیەکی بەرامبەریم نەدۆزییەوە …..
