Skip to Content

2 قه‌سیده‌ی دی له‌ ( عه‌بدولوه‌هاب به‌یاتی)ـه‌وه.. و: نه‌ژاد عزیز سورمێ

2 قه‌سیده‌ی دی له‌ ( عه‌بدولوه‌هاب به‌یاتی)ـه‌وه.. و: نه‌ژاد عزیز سورمێ

Closed
by ئه‌یلول 5, 2021 Poems



(1)
سۆنیا و ئه‌فسانه‌

ئه‌وانی دی
له‌ شه‌وی نه‌خۆشخانه‌دا ده‌مێننه‌وه‌
بێ ئه‌شك
له‌‌سه‌ر پێخه‌فێكی‌ خۆڵه‌مێشدا‌
سیس ده‌بن
( سۆنیا ) نه‌بێ
له‌ گۆرانییه‌كانی (سوندوباد) ده‌مێنێته‌وه‌
ئه‌فسانه‌یه‌ك ده‌گێڕدرێته‌وه‌ و
سترانێك له‌ ته‌نیایی قاوشان
له‌ بیابانی شه‌وی فه‌وتاوان
ده‌گوترێته‌وه‌ ..
ئه‌ی كه‌ژاوه‌ی خۆشه‌ویستی خه‌مگین
ئازیزانمان ڕۆیشتن
له‌ فرمێسك زیاتریان بۆ به‌جێ نه‌هێشتین
گوڵیش له‌ بێستانی دونیای مه‌دا
بۆن و به‌رامه‌ی بڵاو ده‌كاته‌وه‌
به‌ ته‌نیا من
بێ فرمێسك ده‌مرم .
(2)
ئه‌و پیاوه‌ی گۆرانی ده‌چڕی

له‌به‌ر ده‌روازه‌كانی( تاران) ێدا بینیمان ..
بینیمان گۆرانی ده‌ڵێ
وامان زانی (عومه‌ری خه‌یام)ـه‌ خوشكۆڵێ !
ده‌م داچه‌قیو ، برینێكی قووڵی به‌ هه‌نییه‌وه‌‌‌ بوو
چاوی وه‌ك سپێده‌
سوورهه‌ڵگه‌ڕاو
گۆرانی ده‌وت
نانێك و قورئانێكی
به‌ ده‌ستی ڕاسته‌وه‌ بوو
بۆمبایه‌كی به‌ ده‌ستی ڕاسته‌وه‌ بوو
عومه‌ری خه‌یام گۆرانی ده‌گوت خوشكۆڵه‌
خوا و كێڵگه‌كانی دۆن
گۆرانی بۆ مناڵه‌ له‌ خاچدراوه‌كه‌ی له‌ باخی شا دا
ده‌ڵێن
كه‌ مه‌رگ په‌نای دابوو
له‌ نزیك ئه‌وه‌وه‌
له‌ جه‌وسه‌ری دونیای ویدا
بانگی كردین و بانگی كرد
بانگی كه‌ڵه‌شێر خوشكۆڵه !‌
له‌ گۆڕه‌پانه‌كه‌دا به‌جێمان هێشت
چاوی نه‌ده‌بزووتن

  • ( خودا حافیز )
    ئه‌مه‌ی وت و
    ئاهی له‌ ده‌مدا خنكا
  • ( خودا حافیز تاران
    خاوه‌نی شكۆ
    خوداحافیز ماڵه‌كه‌م
    خوداحافیز دایكه‌ ! )
    گولله‌یه‌ك ته‌قییه‌وه‌ و ئاخی له‌ زاردا خنكا .
  • * *
    له‌به‌ر ده‌روازه‌كانی (تاران)ێدا بینیمان
    خۆر له‌ شه‌ودا گۆرانی ده‌چڕێ
    خواوه‌ند و مه‌رگ گۆرانی ده‌ڵێن
    ده‌م داچه‌قیو
    برینێكی قووڵی به‌ نێوچه‌وانه‌وه‌یه‌ . (*) له‌ ( عبدالوهاب البیاتی – الاعمال الشعریة‌ ) جزمى یه‌كه‌م
    بڵاوكردنه‌وه‌ی ( المؤسسة العربية للدراسات والنشر-بيروت) 1995
    كراون به‌ كوردی – بڕوانه‌ ل 216 و 280 .

Previous
Next
Kurdish