هۆنراوەیەک بۆ منداڵان بۆ ڕۆژی ئاڵای کوردستان.. عەلی حەمەڕيشید

ڕۆژی ئاڵا
منداڵێکی بچکــۆلانـــــە و
وریـــام بینی زۆر زرنگ بوو
کــــــە ئـاڵایەکی بچــوکی
کـوردستانی لەسەر سنگ بوو
بــەھێمنی ڕێگـــــای دەبڕی
پۆشاکی کــــوردی پۆشیبوو
لێوبەخەندە و سەرنج ڕاکێش
دیــار بـوو دڵی پڕ خۆشیبوو
بانگم کـــرد و پێم وت چییە؟
ئــــاوا خۆشیت لــــە دڵدایە
پێکــــەنی وتی نـــــــازانی
کـــە ئەمــڕۆ ڕۆژی ئــاڵایە
…
عەلی حەمەڕيشید
١٧/١٢/٢٠١٩

Ali Hamarashid