Skip to Content

کورتەچیڕۆک/ تریقەی پێکەنین.. رەسوڵ بەختیار

کورتەچیڕۆک/ تریقەی پێکەنین.. رەسوڵ بەختیار

Closed
by December 21, 2021 General, Literature


هەر ناوێکی لێ دەنێن، گرنگ نییە، ئەوەی لەلام جێگەی ئاماژەکردنە، لەنێو مینی پاسەکەدا، لەتەنیشت گەنجێکێ بیست ساڵە دانشتبووم، ئەو ماسکی بەستبوو، لەچاوەکانیدا شتێکی وا نەبوو تا بزانم لەرووی عەقڵییەوە تەواو نییە، بەڵام لەناکاو بێدەنگی ناو مینی پاسەکەی شکاند و دایە تریقەی پێکەنین، کەس خۆی مشەوش نەکرد و کەسیش ئاوڕی نەدایەوە، دیار بوو لەپێش ئەوەی سواری پاسەکە بم، چەند جارێک دابوویە تریقەی پێکەنین….زۆری نەبرد جارێکی دیکە دایەوە تریقەی پێکەنین، ئەمجارەیان خۆم پێ رانەگیرا و گوتم: خۆش دەبی خۆش دەبێ.
ئەوەی سەیرە هەموو سەر نشینەکانی نێو پاسەکە دەستیان بەپێکەنین کرد، منیش لەگەڵیان پێکەنیم، وەک ئەوەی نووکتەیەکی خۆش گێڕدرابێتەوە. هەرچۆنێک بێ، گەیشتینە جێگەی مەبەست….ئەوەی سەیرە لەکاتی دابەزین گەنجەکە لێم هاتە پێش و گوتی: منیش دەزانم خۆش دەبێ، بەڵام ئەو کاتە خۆش دەبێ رۆژگار ئێمەی لەهەموو شتێک کردووە، ئەو کات تاقەتی ئەوەشمان نامێنێ چەند چرکەیەک ئاسوودە بین، دەبێ چاوەڕێی مردن بکەین، بۆیە من هەردەم پێدەکەنم دەمەوێ لەئێستاوە قەرەبووی هەموو ناخۆشییەکانی ئەوکات بکەمەوە.

Previous
Next