هه‌نگاریا پێشنیاری توندترین یاسا بۆ سنورداركردنی شاڵاوی كۆچ بۆ ووڵاته ده‌كات
پاش ئه‌وه‌ی حكومه‌تی هه‌نگاریا بڕیاریدا كه پڕۆژه یاسایه‌ك به‌مه‌به‌ستی ده‌ستبه‌سه‌ركردن و گێڕانه‌وه‌ی هه‌ر كۆچبه‌رێك نایاسایی كه ده‌چێته ئه‌و ووڵاته‌وه پێشكه‌ش به یه‌كێتی ئه‌وروپا بكات ، ڕێكخراوی هیومان ڕایتز ۆچ له ڕاگه‌یه‌ندراوێكدا هۆشداریده‌دات كه كه ئه‌گه‌ر ئه‌و پڕۆژه یاسایه بخرێته بواری جێبه‌جێكردنه‌وه ، حكومه‌تی هه‌نگاریا ده‌توانێت سه‌رجه‌م كۆچبه‌رانی ناو ووڵاته‌كه‌ی له كه‌مپه‌كانی سه‌ر سنوری ووڵاته‌كه‌ی له‌گه‌ڵ سربیا كۆبكانه‌وه و جموجۆڵی كۆچبه‌ران له ووڵاته سنوردار بكات.
ئه‌م پڕۆژه یاسایه‌ش كه توندترین ڕێوشوێن له‌به‌رامبه‌ر كۆچبه‌راندا له‌سه‌ر ئاستی ئه‌وروپا له خۆده‌گرێت ، هاوشێوه‌ی ئه‌و ڕێوشوێنه توندانه‌یه كه حكومه‌تی ئوسترالیا له به‌رامبه‌ر كۆچبه‌رانی نایاسایدا پیاده‌یان ده‌كات به‌جۆرێك كه هیچ واده‌یه‌ك بۆ مانه‌وه‌ی په‌ناخوازان له كه‌مپه‌كاندا دیاری نه‌كراوه و هاوكات به‌رده‌وامه له سیاسه‌تی گرتن و گێڕانه‌وه‌ی كۆچبه‌رانی ده‌ریایی قاچاخ بۆ ئه‌و ووڵاته‌ی كه به‌به‌له‌مه‌كه لێوه‌ی هاتوون.
ووته‌بێژێكی حكومه‌تی هه‌نگاریاش هه‌بوونی پڕۆژه یاساكه پشتڕاست ده‌كاته‌وه و ده‌ڵێت به‌گوێره‌ی پڕۆژه یاساكه ، كۆچبه‌ران له په‌ناگاكاندا ده‌ستبه‌سه‌رده‌كرێن تا ئه‌و كاته‌ی كه‌یسه‌كانیان یه‌كلایده‌كرێنه‌وه و هه‌ر له كاتیشكیشدا هه‌ر په‌نابه‌رێك ده‌توانێت گه‌ڕانه‌وه بۆ ووڵاته‌كه‌ی خۆی هه‌ڵبژیرێت.
سه‌رچاوه‌كان : ماڵپه‌ری گاردیان ، هیومان ڕایتز ۆچ
ئامادەکردنی: هەژار
Dengekan
دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.
