لهخهوندا،خهون …. جەمال حەمەد
کهڕائهپهڕێ تالمیسکێک لهلێوی هاتووه ئهڵێ ئۆووو شێت !!! پهلهوهرێک لهسهرگوێسوانهکهیان گۆرانی ئهجریوێنێ: باخڕ بێ باخڕبێ، مهمکۆڵهی سوخمهدڕبێ. یهک تاک پاپووچی لاسیکی ساڵێ بۆ عهیامی تێ ئهگرێ، گیڤه ئهکا بهپهنا گوێی مناڵێکی کۆتربازی دراوسێیاندا کههاقووهکهی لێ تهرهبووه.. لهپڕێکا ههوریکی لیخنی شینی ئاسمانی سوور بهری چاوی تهڵخ ئهکات، و وائهزانێ مهلاژنه، ههتا هێزی تیا یه یهک مست وورده لهگیرفانیا ئهبێ کهههڵیگرتبوو بۆ محهلهبی شکاندن، ههڵی ئهیاته سهر فهڕشهکه، بهشهشا ئهکهوێتهوه، ئهڵێ لیێده ههموو وارهکه لهسهر لهنگهر.. ببیری دێتهوه کهسهماعهی مینبهرهکی دانهخستۆتهوه، گوێی لهفهقێکانی ئهبێ ئهوهنهی زهم ئهکهن ئهوهنهی زهمئهکهن، ئارهقی کهحله ئهکاته پیاڵهکهوهو بهنیازه فڕی کات، کوره ئهڵێ نهکهی، خۆ تۆ بهڕۆژوویت!! ئهی باشه سهرفتهرهکهم چی لێکرد؟؟ئهی ئهوه نهبوو لهڕێگهی چوون بۆ دهوامدا لهترافیکلایتهکه قهرهجێ خۆی فڕێدایه بهردهم هێستهرهکهت کهبهسهریهوه لهقهلهموون ئهچویت، پێی لێکرد بهکهوشدا و پێی ووتی ههتا ئهو ئهڵقه زرگۆنهی دهستم نهدهیتێ، لغاوی کهرهکهت نادهمهوهدهست، وتت جا ئهوه کهره یان حوشتره ههی هێستر؟؟؟؟ نهقیزهیهکی لهمووراغهی پشتی ڕۆکرد ، مهلاژن هاواری لێبهرزبۆوه بهفڕکان بهرهو موبهقهکه ڕایکرد؛ کوره قاوهکهم ههڵچوو سهرت لهقوڕنێی،، ههتا فریای کهوت کهڵهشیرهکه پۆپنهی لهتهلبهندی پاسدارهکان گییرببوو، قوقوقو بانگی ئهداو ئهیوت مردووتان مرێ ههستن لهخهو واپارشیوه.. کوڕهقۆزهکهی دراوسێشتان والهگهڵ کوتاڵفرۆشه دهستگیڕهکهدا مشتومڕیانهو ئهم ئهڵێ ههتیو سهرت لهقوڕێنێی ئهوه عهمارهپۆیه، ئهویش بهزهردهخهنهیهکی شێتگیرانهوه وهڵامی ئهدایهوه، جا توو شهرهف مووچهدراوه تا کرێخانووت بدهمێ !! دان بهخۆتابگرهو مهقیژێنه خۆ دوێنێ سهری مانگ بوو ماڵی باوکتم ئاواکرد بۆ خۆت و بهرخت،، دووگی چاکی پێوهیه، ئهوه بۆ قوربانیی ئهبێ؟؟؟ ههتیو نهتبیستوه کاری ئهمڕۆ وبهرخی نێر بۆسهربڕینن؟؟؟ ههرکهلهدهرگای مزگهوتهکه وهدهرکهوت خێرا پۆلیسێکی هاتووچۆ سهرهڕیی لێگرت وهک حهمهتاڵی بانه. مامۆستا ئاگرت پێیه جگهرهیهکی سۆمهرم بدهیتێ؟؟ تۆش دهستی ڕاستت برد بۆ گیرفانی چهپی جبهکهت و سهعاته چاڵمهکهت دهرهێناو کرت کرت؛ کاتمان کردوه وهچهن بهسهعاتی عارهبیی؟؟ وهختی نوێژ وهسهرچوو داماو ئهوه بۆ دیارنهبووی بۆنوێژی جوعمه؟؟؟ کابرا سهری سوڕما وهڵامی نهدایتهوه سهرێکی باداو لێیدا سواری پاسکیلهکهی بۆوهو لهچاوتروکانێکا بهرهو ئاسمان فڕی. مهلا مهلا، سهرت لهههشنێی ئهودیوه ئهودیوه !! من بزانم دهرگاکهیان سهوزیی ماستاوی بوو، وانهبوو؟؟ با با ئهڵقهڕێز نهبوو ئهوان جهڕهسیان ههبوو. تهق تهق لهتوقولبابی ماڵهکهتدا، ئافرهتێکی سهر ڕوت خۆیکرد بهدرزی دهرگاکهداو فڕکهی کرده ژوورهوه. یاحافیز یاحافیز، بهم نیوه ڕۆیه ئهم جنۆکهیه لهکوێوه دێتهوه، حاجی شیڕاندی بهسهرتا و ووتی؛ مهلا ئهوهخراپ سهیرئهکهی ها؟؟ بهسهری حاجی ئهوههتیوهی منیش شووڵی لێ ههڵکێشاوهو هیچ ئاگای لهدهرسودهورهکهی نهماوه، نه بهخوا، پێم ئهڵی باوه من ئهمهوێ بچمه کۆلیژی جانهوهرزانیی، منیش زۆری لێ ئهکهم ولێی ئهپاڕێمهوه کهبچێته شهریعه، ههرئهو مستهقبهلی باشی ههیه، مێزهرێک ئهبهستیت، جبهیهکی ئاودامان ئهکهیته بهرو دهستئهکهی بهوهعزدان، ئهمه هیچ بارگرانی یهکی تیایه؟؟مهلاژن ووتی، ئادهی دهریکه، پارهی ئهوکراسهم نهداوه بهبهرگدروهکه، بابچم دوودهسک سڵق بێنم وئیواره بهتاسکهبابی بهربانگ بکهینهوه، ئهڵێی چی؟؟ وهڵا مهلاژن گیان بڵێم چی، بهنیازم ژن بێنم.. یهک مستهکۆڵه لهمووراغهی پشتت درا کهئازارهکهی لهحهوتهبهقهی ئاسمان ئهزرنگایهوه ولهنووکی تووکی گوێچکهی ڕاستت کوژایهوه!!!! وهی بابه گیان ژنهکه ئهو ئهو ساروخهچیی بوو لهخانوهقوڕهکانیدا؟؟؟
قهسهم بهخوا لهنزیک ماڵی خولهمهتی دا !! درهنگه خۆت بگۆڕه ، بابچین بۆ بهستۆره. کهی کاتی گۆرانی ووتنه ئێره مینبهری هۆڵی ڕۆشنبیری یه. میوانه ئازیزهکان بهخێرهاتنتان ئهکهین بۆ دیبهیتی نێوان دوو له ههڵبژێراوانی خیلافهتهکهمان کهئهوانیش ئایهتووڵاو خوتبهخوێن وپێشنوێژو فهتوادهرو فاڵگرهوهودکتۆری مناڵان و ئاوسبوون وزۆرجار شریقه له سمتی ڕهشهووڵاخیش ئهدات ،ئهوی تریشیان کوڕهقۆزهکهی گهڕهکی خۆمانه. ئادهی ڕۆڵه لاچۆ باببینم ههیفا چۆن حیجاب ئهپێچێتهوه؟؟؟ مهلاژن وای ووت. ههیفاش تازه وههرئهوساته شاوهری وهرگرتبوو بهبیتاقهی بایهعیهکه
خهریکی چیت من پرسیارم لێکردی ئهگهر بیکهم بهدوان تۆ ڕازی ئهبییت؟ هیچ ههقوهقووقێکت ناخۆین بهجووته، تۆ ههتا ههتا ههتایه ژنی گوێڕایهڵی خۆم ئهبیت. ههتیوهکهیان خۆی کرد بهبازاڕی بهربهلهدێی قسهکانیانا، و ووتی بابه بهرلهوهی ژن بۆخۆت بێنی مشووری سهربانی مزگهوتهکهمان وهکوو شووتی بخۆی باشتر نی یه، وا دڵۆپه ئهکات و بانگوشهکهش خۆمان خۆش، کهس نی یه تۆزێ بیگێڕێت بهدهوریا، باگردێنهبهردهکهش بووه بهدووکهرتهوه، ئهوشهوه وهکوو مانگی شهقبوو دولهت بوو. مهلا کهتائهوکاته وایزانیی خهو ئهبینێ ههڵسا و شهقازلـلهیهکی سرهوانده پهنا گوێی مهلاژن.
کهڕوی وهرگێڕا ئهونهبوو ، ئافرهتێکی ترو لهلهشێکی ترو ڕوخسارێکی تابڵێی جوانتری ههبوو، لهچکیشی نهبهستبوو ودهم بهبزه تر بو لهمهلاژن، ووتی ئهی تۆ کێی؟؟ ئهو ووتی ئهی تۆ نهتووت ئهیکهم بهدوان!! مهلا بیری نهکهوتهوه که مهلاژنی ڕازیکردوه بهم فیعلهجوانهی سهیری دهرگاکهی کرد ، لایهڵ بوو، ووتی ئیستا نا ئیستا بهخۆی وجبهو حیجابهکهیهوه خۆی ئهکا بهژووراو ئهمکا بهفلیم، خۆم من نهمووتوه ئهیکهم به دوو ، وای نهزانیی بێت کهمن مهبهستم تهنکی سهربان بووبێت!! لهوانهشه. لهپلیکانهکان هاته خوارهوه بهرچایی ئامادهکرابوو، لهنانی تییریو ههنگوین وشیری سپیی و لهوانهیه هێلکهی مهزنی ووشترمرخ بووبێت، ڕهنگه. مهلاژنیش دانیشتبوو لهکوونی حیجابهوه بابهغهنووشی ئاودیوئهکرد. پێش ئهلسهلاموعهلهیکوم، ووتی کچێ بیسمیلاتکردوه؟؟؟؟ کوڕهکهیان یهک دهرزهن کتێب بهبن ههنگڵی یهوه بوو دوو زهیتوونی سهوزی ههڵدایه دهمیهوه، ناوکهکهی لهقوڕگی گیرا ، خهریکبوو بخنکێ لهئاوی دوکانا!!!ههتیو ئهڵێم ئهوهنه بهپهلهشت مهخۆ، ئهخنکێی. یهڵا باییی، هاواریکرد. تۆسهیری ئهم داماوه بهم ڕۆژگاره ئهلێی سهگی پێسووتاوه لهم ئهوروپا گهورهوگرانهدا، چۆته کۆلێژی ماڵداریی !!!مهلاژن بهدهم ههڵقوڕینی قاوهی شلهتێنهوه وای ووت. بیجامهکانی فڕێدا، کارهکهره ڕهشپێستهکهیان وهکوو گۆڵچی خۆی بۆ ههڵداو نهیهێشت بگاته سهرزهوی یهکه، گرتی یهوه.پانتۆڵه قاوهییهکهی لهپێکردوو کراسه مـقهلـلهمه شینهکهی وچاکهتی ههمان پانتۆڵی کردبهسهریا، بۆینباخێکی سووریشی بۆ بهست. پرسیاری لێکرد ئهڵێی بهرهو زانکۆ ئهڕۆیت؟؟ ووتی : نا.. ئهمڕۆ عهمهلیاتێکی گهورهم ههیه، بهنیازم قاچیی فیلێک شکاوه بیهێنمهوه جێی خۆی. ئهیهڕۆ هی کێیه؟؟؟ ئهسحابولفیل!! ئهم ووتی.ئهی بهچی وای لێهات؟؟ فڕی بهسهرشارهکهیا ئهویشی بهسهرهوهبوو، ئوموری ڕهعیهتیان بهسهرئهکردهوه، کهوتهخواره، لهسهرهوه دهعمی کردبوو، ووتیان. ئهی خاوهنهکهی؟؟ ئهوپهڕهشووتی پێبوو ، باشبوو. ئهمجارهیان هێزی دایه بهرخۆی و سهری بهرزکردهوه، لهسهرزهوی یهکه لهسهردۆشهکه ئیسفنجهکه، ههرچی ئازای بهدهنیهتی شهڵاڵی ئارهقه بووبوو، ئهوجاتێگهی نهژنی هێناوهو نهتهڕهماش ونهلهبهههشتهونهلهجهههننهم. ههستا دهستنوێژی ههڵگرت وڕۆشتهدهر بۆ کاسبی وپارهپهیاکردنهکهی، بهئارهقهی ناوچهوانی نا، ههڵفڕینی فیل بۆ شوێنکهوتوه داماوهکانی که پێنج فهرزه لهبهردهم میحرابهکهیدا دهمیان داچهقاندووه.
Dengekan
دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.
