شیعر/ سێبەری ئاو… جەلال عەبدوڵڵا ساڵح
A
من ئەو ڕادەگرم
ئەگەر ئەو ئاو وەک من ڕابگرێ
من و ئەو هەردووکمان یەکتری ڕادەگرین
ئەگەر پرد وەک بەراز شانی بشکێ
لافاو وەک سرووشت پێکەنێ
B
ئەو هەتاوی شەوم بوو وەک خۆم
ئەو ئەستێرەی گڕم بوو وەک بەردی دڵم
ئەو شاتووی سپی و
کۆڵانی سەهۆڵم بوو
C
ئەو لە من دا ژیا وەک خاک بێدەنگ بوو
ئەو لە عەسرا ڕۆیی وەک دوێنێ
چارەیەکی نییە وەک پێرێ
دەبێت وەک سبەینێ
لە چرکەیەکی ژیان دا جێم بێڵێ
D
ئەو دەڕووا، وەک ئەو دەچم
چوونمان پیویستە، وەک هاتین دوێنێ
خەو شیرینە لە خاکی نەرما
هەموو دەڕۆین
وەک ئەوان وەک بەفری سبەینێ
E
من ملیۆنێک کێشەی خۆراکم هەیە
من لە ماڵی برسییەتی دەژیم
بۆ ئەوەی تێربوون نەمرم
دەبێت میزەلانی سبەی بتەقێنم
بۆ ئەوەی وەک لە ناو برسییەتیدا نەمرم
دەبێت قەپ لە سێوی ئادەم بگرم
F
وەک سێوی سەوز قەیسی مزرە
وە ک چۆن بەڵاڵووک وەک بەفر سپییە
بۆ ئەوەی قەیسی شیرین بێت دەبێت سێو بمرێت
وەک چۆن قەیسی دەمرێت هەرمێ لەدایک دەبێت
G
بەلای من و تۆدا
سەیارەیەک کۆکی
سەربەرەوخوار ڕۆیشت و کەوت
هەردوو چاوی شکا
ئەگەر سەیارەکە نەمردایە
کۆڵانەکە ڕووناک دەبوو
من دەمیش چاوی تۆم دەبینی