ترسی دەرەوە.. ھۆزان ئیسماعیل کەریم
مۆمێک دانەگیرسا و توایەوە
چیرۆکەکانی لەگەڵ خۆی برد
لە داخی ئەم ھەموو شکانە
شەوان لەگەڵ ئاگر پێکیان ھەڵدەدا
ئەستێرەیەک بەدیار نەکەوت کوژایەوە
لەگەڵ تەماشاکردن دەستی تێکەڵ کرد و
چاوی پڕ لە نەزەر کرد
گۆڕستانێک بە بێ مردوو پڕ پڕ بوو
ھەرچی رۆحی بریندارە
گۆرانی شکانیان بۆ دەچڕی
شارێک دروست نەکراو و تاڵان کرا
خۆی کۆکردەوە
لە منەوە تا ئادەم
لە تۆوە تا حەوا
ھەمووی کۆکردەوە
لەسەرخۆ مەرگی بەفری راگەیاند
ولاتێک ناوی نەبوو داگیرکرا
لە یوئێن دەستی بە نوێژ کرد
لە خودا دەپاڕایەوە
لە زیندان دڵی نەتەقێت
مردنێک لەگەل رۆح بزر کرا
لە بەھشت
بەدەم پیاسەوە
ناوی شەھیدەکانی دەژمارد
من ئاخ لە من
بێ ئەوەی یەک گوناھم لەسەر ئسپات بێت
سووتام و کوژامەوە
نەبیندرام و بزر بووم
مردم و نەیانشاردمەوە
ئاوەرەی دەروەی خۆم بووم
وجودیان شوێن بزر کردم
وردو خاشیان کردم
م
ن
ئ
ا
خ
ل
ە
م
ن
ھۆزان ئیسماعیل کەریم
Dengekan
دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.
