Skip to Content

لە سۆراخت .. شیعر/ کاوە عوسمان عومەر

لە سۆراخت .. شیعر/ کاوە عوسمان عومەر

Closed
by December 7, 2020 General, Poems


جگە لە من
کێ شەوێکی ئەنگوستەچاو
لە کەنارە ،
کێ جەستەی..
وەک مەلی تەریو،،
بێ بلانەیە، بێ بڕیارە،،
کێ وەکو من،،
وشەی گوڵە..
بۆ ڕوخسارت،،
چاوی سۆمای ئەستێرەیە،
بۆ تاریکی شەوی تاڵت
کێ هێندەی من،
ڕەنگی زەردە..
بۆ شێوەی نامۆت،،
بۆ لێوی ئاڵت،،
کێ هێندەی من ..
لە کۆچایە ،،
بە دوای خۆری..
نێو چاوانت.

Previous
Next