Skip to Content

شیعر/ وشەکان… ئاواز سامان

شیعر/ وشەکان… ئاواز سامان

Closed
by ئایار 12, 2022 General, Poems

پێشکەشە بە ماریاکان

وشەکانت دەمبەنەوە بەردەم یادەوەریی ئەو هەیوانەی کە لە خانووە کۆنەکان دەچوون.
تۆ هاتیت و
منت لە
ئاوێنەکەی خۆتدا دۆزییەوە
لە نێو پەڕاوە شیعرەکاندا
وشەت دەباراندە جەستەم
حەزم دەکرد لە گەڵتدا
سەما بکەم
لە بەردەم ئەو هەیوانەی
ساڵانێک بوو
بۆنی تەنیایی لێ دەهات….
تۆ وەرە ببینە
ئازاری ئەو ژنەی کە رابردوو و یادەوەرییەکانی
لەو خانووە کۆنە جێهێشتووە
تۆ یەقین بە لەوەی توند
پەنجە شکاوەکان بگریت و
دەست بنێیت بە دڵێکی بریندار.
ئاه…..
ساڕێژ بوون چەند سەختە لە زەمەنێک کە
وشەکان پووچەڵ و تێکشکاون…..
دە وەرە
تۆ دەتوانی لەو
جەنگڵستانە
ژنێک بناسیت و ئەوین بنیاد بنێیت.

ئاواز سامان

mm

دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.

Previous
Next
Kurdish