Skip to Content

شۆڕکردن، جون، جوێن.. دڵشاد تاقانە

شۆڕکردن، جون، جوێن.. دڵشاد تاقانە

Closed
by September 16, 2022 General

لەزمانی کوردیدا بەکرمانجی و سۆرانی نوسراو هەتا شێوەزار و زارگۆیە گۆتراوەکانیش لەباتی ڕق و کینە دەردەبڕێ. ناخۆشترین کاردانەوەی جوندان ئەوکاتەیە جوێندەر کەسەکەی بەرامبەری ڕیسوا دەکا بەجوندان بەباب و داک و خوشکی، صەگباب، داک و خوشکت بگێم! بێگومان لۆ شکاندنی پیرۆزیەکانی بەرامبەرە لەکاتێکدا جوێندەرەکە هیچ کێشەی لەگەڵ باب و داک و خوشکی کەسەکە نیە بگرە لەوانەشە بەئاسایی ڕێزگریانبی بەڵام کاتی هەڵچوونەکە ئەو وشە و دەستەواژە نالەبارانە دەدات. جارەک کوردەک لەئەوروپا شۆڕدەکاتە ئەوروپیەک و هەوڵدەدا جونەکەی وەرگێڕتە سەر زمانی وی و پێیدەرێ: داکت بگێم؟ کابرای ئەوروپیش بەساردیەوە دەرێ: جائەمن حەقم چیە؟ داکم چ ئیشی بەکێشەکەی من و توەوەیە! هەرشتەکت لێی دەوێ بڕۆ لەخۆی داوابکه. زۆر ئاساییە لەکلتوری عەرەبەوەش خوازرابیتەوە لەپێڕەوی ئاینەکەیان وابەستەیی کورد پێیەوە. کورد دەڵێ: شەڕوشۆڕ واتا  شەڕ لێدانەکە و شۆڕیش جونەکانیتی کە ڕاگەیاندن و هێرشە. زمانپیسی بەشەکی کلتورە هەرچەندە ئێستا جوێنوس و جوندەری سۆسیال میدیا پەڕۆیان لەبەر دەرینایە هەیانە ڕۆژانە بەخەڵکدا نەڕشێتەوە ژان ئەیگرێ. جوندەری سیاسی دەوپیسترن بۆنی نۆینیان لێدێ کە دەمیان دەکەنەوە ئەوان تڕ  بەدەم دەکەن. زۆرینەمان ئەو خوە خراپەمان هەیە، چارەش زۆر ئاسانە کەتوڕەبووی تەنیا دەمت داخە و دوایەش بەشەرمەندەیی داوای لێبوردن مەکە چونکە چاک دەزانی لەلاوازیتەوەیە جون دەدەی.

                                 دڵشاد تاقانە

Previous
Next