Skip to Content

پرۆژه‌ یاسای (به‌ره‌‌نگاربوونه‌‌وه‌‌ی توندوتیژیی خێزانی)، و هەڵوێستی مەلای سەلەفی-جیهادیی کوردی ناو زیندان و ناو پارلەمان.. سەروەر پێنجوێنی

پرۆژه‌ یاسای (به‌ره‌‌نگاربوونه‌‌وه‌‌ی توندوتیژیی خێزانی)، و هەڵوێستی مەلای سەلەفی-جیهادیی کوردی ناو زیندان و ناو پارلەمان.. سەروەر پێنجوێنی

Closed
by تشرینی یه‌كه‌م 1, 2022 General, Opinion

مەلا (ئیسماعیل سووسەیی)، مەلایەکی سەلەفی-جیهادیی تر بوو، کە بەتوندی دژی ڕەشنووسی یەکەمی پرۆژه‌ یاسای (به‌ره‌‌نگاربونه‌‌وه‌‌ی توندوتیژیی خێزانی) (ژماره‌ ٨ ی ساڵی ٢٠١١) کاتی خۆی لێدوانی دا، و کێشەکەیشی هەر ئەوە بوو ئەو پڕۆژە یاسایە خاڵی وای تێدایە کە پێچەوانەی قورئان و شەریعەتە، وەکوو فێرکاری و ڕێنمایی لێدانی ژن لە قورئاندا “واضربوهن” (النساء: ٣٤)، و وەکوو خەنەتەی مێینە کە ئیسلام لە کاتی خۆیدا بەگشتی بە کارێکی باشی داناوە، و لە ڕێبازێکی فیقهیی وەکوو ڕێبازی شافیعییشدا “واجیب”ـە. بەمەش ناوبراو داکۆکیی لە شەق‌وەشێنیی پیاو و لە داب‌ونەریتی کۆنی خەتەنەی مێینە کرد.
وەکوو لە کاتی خۆیدا لەسەری نووسیمانە، وتاری “یاسای به‌ره‌‌نگاربونه‌‌وه‌‌ی توندوتیژیی خێزانی و مه‌لای پاسه‌وان ـ له‌ په‌راوێزی باس‌وخواسی یاسای توندوتیژیی خێزانی و به‌ره‌نگاربونه‌وەی هه‌ندێک له‌ مه‌لاکان”(١).
بۆیە ئێستەش هەر پارلەمانییەکی ئیسلامی هەر کێشەی ئایینیی لەگەڵ پرۆژە یاساکە هەیە، و سەرنجەکانی تریان هەر بیانوون.
مەلا سووسەیی مەلایەکی سەلەفی-جیهادیی سەربەخۆ بوو، ئەندامی حیزبێکی ئیسلامی نەبوو بەرگریی لێ بکات و بیگەیەنێتە پارلەمان. لە هەمان کاتدا سەلەفی-جیهادییەکی ڕاستگۆ بوو: ئامادە نەبوو بچێتە پارلەمان. مەلا سەلەفی-جیهادیەکانی ناو “جەماعەی ئیسلامی”، “جەماعەی عەدالەت”ی ئێستە، سەلەفی-جیهادین بە تامی شۆڕشی ئیسلامیی ئێران و بنەمای “تەقییە”ی شیعەگەری، کە جۆرێکە لە دووڕوویی پیرۆزکراو. بۆیە سەلەفی-جیهادیەکانی ناو پارلەمانی ئێمە؛ لە پارلەمانیشن و باوەڕیشیان بە ڕەوایی یاسادانان نیە بۆ پارلەمان ئەگەر یاسایەکی نوێ دابنێت کە دووبارەکردنەوەی هەمان حوکمە شەرعیەکە نەبیت، یان چاکسازییەکی نوێ بێت.
دەکرێت کەسێک لە پارلەمان بێت و ئەندامی دەسەڵاتێکی یاسادانان بێت و باوەڕیشی بە دەسەڵاتی یاسادانان نەبێت و خودی یاسا بە “شیرک” بزانێت؟! دەی ئەمانە وا بیردەکەنەوە، و خۆیان گەیاندووەتە پارلەمانیش.
لە زنجیرەیەکی داهاتوودا بیروباوەڕەکانی مەلا (هەورامان گەچێنەیی) ڕوون‌دەکەینەوە.

سەروەر پێنجوێنی

————————————–

پەراوێز:
(١) بڕوانە: بلۆگی نووسەر:
https://sarwar-penjweni.blogspot.com/2012/08/blog-post_18.html?
fbclid=IwAR38DoaSUpfUwUk_V_LeyOAvyYgsiIddDzKIzE0Tus3LI1NJdOxoccNzhr0
و دیواری فەیسبووکی نووسەر:
https://www.facebook.com/photo/?fbid=455347451153438&set=a.191509284203924

تێبینی: ئەم کورتە وتارە دوو جار لە ئەکاونتی فەیسبووکی نووسەر بڵاوکراوەتەوە، بەڵام بە ڕیپۆرتی مێش‌ومەگەزی ئەلیکترۆنیی ئیسلامیەکان لەلایەن ڕۆبۆتی فەیسبووکەوە لادراوە، و ئێستە لێرە بڵاودەبێتەوە.

بۆ بینینی فەیسبوکی نووسەر کلیکی ئێرە بکەن..

mm

دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.

Previous
Next
Kurdish