عەبدوڵا سڵێمان(مەشخەڵ) ٢٢ کتێب و نامیلکەی خۆی چاپ دەکات
عەبدوڵا سڵێمان(مەشخەڵ ، ئەو نووسەرەی لەماوەی دوانزە ساڵی ڕابردوودا زیاتر لە سیانزە کتێبی لەلایەن دەزگا ئەدەبیی و ڕۆشنبیرییەکان لە کوردستان چاپ و بڵاو کراونەتەوە، دوای خولقاندنی ئەو وەزعە بێ مانایایەی کوردستان لەسەر دەستی حیزبە گەندەڵکارەکانی کوردستان و پێکهێنانی قەیرانی داراریی کە بووە مایەی گۆچبوون و شەلەل بوونی سەرتاپای دەزگا ئەدەبیی و ڕۆشنبیرییەکان، لە سێ مانگی ڕابردوودا، ( تەمموز و ئاب و ئەیلوولی ٢٠١٧)هەستا بە چاپ کردنی ٢٢ کتێب و نامیلکەی خۆی بە تیراژی دوو دانە هەر بۆ ئەوەی نەفەوتێن، تا ئەو کاتەی ئەو دەزگایانە دەکەونەوە کار و کتێبەکانی چاپ دەکەن.
شایانی باسە ئەم بێ دەربەستییەی دەسەڵاتی کوردیی دەرهەق بە بزووتنەوەی ڕۆشنبیریی جگە لە نووسەرە کاسەلێسەکانی حیزبەکان کە هەمیشە ستایشی دەکەن، مایەی ڕق و نەفرەت و بێزاری زۆربەی هەرە زۆری نووسەرانەیە کە ستەم و بێ ماناییەکانی ئەم وەزعە ڕەت دەکەنەوە. ئەی خوارەوەش ناوی ئەو کتێبانەیە کە عەبدوڵا سڵێمان(مەشخەڵ) چاپی کردوون.
ناوی کتێب بابەت تیراژ ژمارەی لاپەڕە
١-لەژێر دووکەڵێکی ڕەشدا بیرەوەری ٢ ١١٢
٢-دواجار دەبم بە نیرڤانا چیرۆک ٢ ٤٩
٣-لەپەنای خەون و سێبەری وشە کۆمەڵێ وتار ٢ ٢٧٤
٤-مانیفیستی ئەدەبی کرێکاریی نووسین ٢ ٤٣
٥-ڕازە درکێنراوەکان نووسین ٢ ٣١٥
٦-پانزە چرکە شانۆنامە – وەرگێران ٢ ١٢٢
٧-تریشقەی وشە و لێزمەی تووڕەیی شیعر ٢ ٢٥٠
٨-ڕۆیشتن لەژێر سێبەری جوانی ژناندا شیعر ٢ ١٦٩
٩-چۆلەکەیەک گشت سبەینان ئەجریوێنێ منداڵان- وەرگێران ٢ ٦٩
١٠-سروودە کرێکارییەکان سروود ٢ ٩٣
١١-بارانی وشە سوورەکان شیعر ٢ ٢٨٦
١٢-ڕوانینێک لە شانۆی کەنەدیی لێکۆڵینەوە ٢ ١٦١
١٣-دوو شانۆنامەی ماریا ئیرینا فۆرنێس شانۆنامە – وەرگێران ٢ ١٧٥
١٤-خوێندنەوەو نیگایەک لە دەق ڕەخنە و لێکۆڵینەوە ٢ ٤١٥
١٥-جەمیل ڕەنجبەر ئەو شاعیرەی ڕۆژێ بێ تێکۆشان نەژیا لێکۆڵینەوە ٢ ٤٥٤
١٦-پشوو لەبناری گڕکاندا چیرۆک – وەرگێران ٢ ٥٣
١٧-پرسیارەکان بەدوای وەڵامدا دەگەڕێن چاوپێکەوتن ٢ ٥٥٣
١٨-هەستە شاراوەکانی نێو دێرەکان نامە ٢ ٢٣٣
١٩-خانمەکەی نێو ئەم شیعرە شیعر – وەرگێران ٢ ٥٠٤
٢٠-چەند تێکستێکی سەر تاشەبەردەکانی وەرکا شیعر ٢ ١٩٠
٢١-A Song foe anexile ٢١- شیعر بە ئینگلیزی ٢ ٥٥
٢٢-دیوانی مەشخەڵ دوو بەرگ شیعر ١ ١٤٣٤
Mashkhal
ساڵی 1964 لە شاری کەرکوک لە دایک بووە. خوێندنی سەرەتایی و ناوەندی و ئامادەیی وپاشان پەیمانگای تەکنەلۆجیای لە ساڵی 1986 هەر لە کەرکوک تەواو کردووە. لە سەرەتای هەشتاکانی سەدەی رابردووەوە شیعر دەنووسێ و لە زۆربەی گۆڤار و رۆژنامەکانی کوردستان و دەرەوەی کوردستان و سایتە ئەلەکترۆنییەکان شیعر و وتاری رەخنەیی ئەدەبی و سیاسی و جەماوەری بڵاو کردۆتەوە.
