وێژەی زیندان.. شیعری شەهلا نوری
ناسرەوێت….
وشەی پشت پەنجەرەی گیراو
نزیک لە پنجی زێدەڕۆیی نزاو…
دەسا لادە ،
وازکە دەرگای بەندکراو
وا دەتوێتەوە ئارەقەی حاڵی بیر
لەسەر هەڵم وهەڵاوی سینەدا
تک تک
پیتی بێ دەسەڵاتی
دڵ مردە و وێژەی بێ خەڵات
لە ئامێزی سەودا دا فراوان
فەسڵی زیندان نابێ تا ئەبەد
دارەدارە دێ و دەڕوات
هانا بۆ غەیب دەبات
بەستەی ئومید و ئولفەت
دەگەڕێتەوە شنۆ بۆ ناز
بۆ بیرۆی تەڕ
مەغز لە هزر پڕبووە دەیکاتەوە دەرگای پتەو
ترسی ئاچەر
ئەگەر جەلاب شەوەزەنگم
لێ تەموومژاوی بکات
ئەگەر زیندان فەزایەک بێت
ئازادیم لێ ببات
جووڵەی جەستەم
سنووردارکا
هەرگیز ناتوانێت
خەون و نووسین و
مەجلسی لەزەتم لێ زەوت بکات
شەهلا نوری
Dengekan
دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.
