ووریا و پەپولەکانی.. شیعری : حەمە گەردی

کورد هەر خەریکی نوچدانە هیچ کوردێ بێ وچان نییە .
بێخەمترین میللەت ئێمەین ، بڕوامان بە گۆڕان نییە .
نەتەوەیەکی بەش بەشین ، ڕازیشین و قبوڵمانە .
دەسەڵاتێکی خۆپەرست ، بە حیسابیش موسوڵمانە.
نانمان هەبێ یان بدزرێ ، هەر بێخەمین .
موچە هەبێ یان بدزرێ ، هەر یەکەمین .
چەپڵە لێدەری ئاهەنگی کادیر و دزی نەفامین
میللەتێکی ووڕ و خەوخۆش ، کورتترین هەنگاو ، ناتوانین .
بێ ئاگاین لە ڕۆڵەی شەهید ..لە ڕۆڵەی هەژار و هەتیو .
هەموو خەریکی خۆمانین ، وەک نەدی بدی و هیچ نەدیو .
هەیە کوڕی دەوڵەمەندە ، خۆیشی گەلۆر و بێ بەهرە .
فێر بووە گیرفانی پڕ بێ و به بێخەم بێتە سەر سفرە ..
هەندێ بێ باوکیش بە ڕەنج و ماندووبوون و خەباتی خۆی ..
هەوڵ ئەدا ، ئەستێرەی بەختیش له پڕا پێئەکەنێ بۆی .
ووریا ، پەپولە ماندووەکەی باخچەی ماڵە هەژارەکان ..
کە ئەستێرەی بەختی دەرکەوت ، مەرگ ئەستێرەی عومری کشان ..
ووریا ، کوڕە خاکییەکەی کوڕی هەموو ماڵەکان بوو ..
ووریا ، دژی هەموو دز و گەندەڵکار و داڵەکان بوو ..
ووریا ئەو کانیاوە ڕوونە ، لە پڕا وشکایی داهات ..
سەوزایی ڕاگەیاندن بوو بە بیابانێکی چۆڵ و مات

Dengekan

دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.