قهرهبرووت … شهونم زهندی
پێشكهشه به دڵه پڕ سۆزهكهی دایكم ،
بهو فرمێسكانهی له جێی خهندهی جارانی … به ڕووخسارییهوهن.
له ئامێژهنی بهفرستانێ له سپی
به ڕهشایی شهوستانی كڕ له كپی
ئهفسوس دایه …
به ئاوابوونی ڕهنگ
بهرگی خهمت پۆشی
ناخت بوو به خهمستان و
قهدهر تاڵاوی پێت نۆشی
چ ساتێك بوو
خهندهكانتی كرد به گریه و
سوپرانۆی دابڕان ؟
خهمهێنی رۆح
به سهر ترازانی دیمهنهكانهوه
درزێكی گهورهی
خسته ڕۆژه ڕهنگ پهخشهكان
ئهو ساته
ئاوێتهی گهردهلوولی ڕهشهبای مهرگ و
ههناسهكان بۆ تۆماری ساڵی قاتی
ئهو دنیایهیش له ناختا
سهرتاپای تهمستان و
ڕهنگهكانیش نغرۆی لێڵایی له ماتی
ئاخ لهو ساته دایه گیان ..!
دڵی میهرت پڕ خهمی ههڵچووت
چاوانت تا ههتا ههوری گریهن….
ناخیشت قهرهبرووت
31 / 12 / 1991
ههولێر
Dengekan
دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.
