من موریدی تەریقەتی کوردایەتیم.. شەماڵ بارەوانی
من موریدی تەریقەتی کوردایەتیم
سەر به دەمار و خوێنی مەردایەتیم
دەستێکم پەتەکەی ملی قازی نەمرە
دەستەکەیترم ئاگری سەرکەوتنی کاوەی ئاسنگره
پێشم باشوور و پشتم باکوورە
شعووری کوردایەتیم هێندە گەرمە
ڕێک دەڵێی کورەی تەندورە
لای ڕاستم ڕۆژهەڵات و لای چەپم ڕۆژئاوایە
لە نوسینەوەی خەریتەی خەونی کورد
خوداش لە بەرەی ئێمە دایە
من خۆڕاگری لەیلا قاسم و
ڕۆڵەی حەپسەخانی نەقیبم
سوێندەکەی لەیلا زانا و
کوردستان یان نەمانەکەی ناو سردوی ئەی ڕەقیم
من لە نەسلی سەید ڕەزا و بەرخودانی شێخ سەعیدم
من بڵێسەی شۆڕشی بارزان و کوڕی مەزلوم عەبدی عەگیدم
من تاڵەموێکی ڕیشی مامە ڕیشەم
کوردایەتی بوەتە پیشەم
من نەخشەی کوردستانی گەورە و یەکبونی کوردانم
من گەریلام، من پێشمەرگەم من شەڕڤانم
شەماڵ بارەوانی
بەردەڕەش/٢٠٢٦/١/٢٩
Dengekan
دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.
