Skip to Content

شەمعی سەحەرگە.. شاعیر: ئیسماعیل نەواب سەفا.. وەرگێڕانی لە فارسییەوە: شەهلا نووری

شەمعی سەحەرگە.. شاعیر: ئیسماعیل نەواب سەفا.. وەرگێڕانی لە فارسییەوە: شەهلا نووری

Be First!
by تشرینی دووەم 16, 2026 General, Poems
image_print


لە خودا دەخوازم
بە دڵخوازی خۆم بمرم،
واتە تۆ ببینم و
دواتر بمرم.

ئەو شەونمە پاکەم کە لە گوڵزاری سروشتدا،
لەناکاو هاتمە بوون،
لەناکاویش بمرم.

ئەی عیشق!
لە گیانی من و دڵی ماندووم چیت دەوێ؟
لێمگەڕێ،
بەم خەمە گیانسۆزەوە بمرم.

لە دۆڵی تەمەنی پڕ لە پێچ و خەمدا،
گومڕام بەسەر بردووە و
گومڕا بمرم!

شەمعم من و
ڕووی تۆ ئومێدی سەحەرمە،
مەهێڵە بێ دیداری سەحەرگە بمرم!

دەیگوت سەفا:
زیندووی جاویدان منم، من،
ڕۆژێ کە بە دڵخوازی تۆ،
ئەی مانگ، بمرم…

وەرگێڕانی لە فارسییەوە: شەهلا نووری

mm

دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.

Previous
Next

Leave a Reply