Skip to Content

لە یادی هەژدە ساڵەی تیرۆری پێنج ئینسانی کۆمۆنیستدا….موزەفەر عەبدوڵا

لە یادی هەژدە ساڵەی تیرۆری پێنج ئینسانی کۆمۆنیستدا….موزەفەر عەبدوڵا

Closed
by ته‌مموز 13, 2018 General

سورین لە تێکۆشان تا بەدیهێنانی ئامانجەکانیان ودادگایی کردنی تاوانبارانیش

هەژدە ساڵ لەمەوبەر ڕیکەوتی ١٤-٧-٢٠٠٠ بە بریاری سەرکردایەتی یەکیتی نیشتیمانی و سەرکردەیی شەخسی نەوشیروان مستەفا هەستان بە ئەنجامدانی تاوانێکی گەورە ئەویش تیرۆری ئاشکرای پینج ئینسانی کۆمۆنیست بوو لە ناو شاری سلێمانی. بەم تاوانەشیان لاپەرەیەکی میژوویان رەشکردەوە لە لە ئینسانکوشتنی ئازادیخوازو یەکسانیخواز.

بێگومان کوشتنی ئەم پینج ئینسانە بەوشیوە ئاشکرایە لەسەر ئەوە نەبو کە ئەمانە وەک زۆربەی سەرانی ئەم حزبە دەسەڵاتدارانە و هاوپەیمانە ئیسلامیەکانیان تاوانبار بو بن بە :

– بە کاری توندو تیژی و کوشتنی ژنان بە بەهانەی ناموس پەرستی .

– ئەم پینج ئینسانە تاوانبار نەبون بە کاری دزیو گەندەڵی موڵکو ماڵی گشتی و تاکە کەسیش.

– ئەم ێینج ئینسانە تاوانبار نەبون بە کاری قاچاخچیتی بە مەوادی موخەدرو هیچ جۆرە بازرگانیەک بە كاڵاو داودەرمانی خراپو قاچاخچیتی بە ئینسانەوە..

– ئەم پینج ئینسانە تاوانبار نەبون بە کاری جاسوسی و دەستێکەڵ کردن لەگەڵ ڕژێمە کۆنەپەرستە دژی ئینسانیەکانی ناوچەکە کە هەمویان دژی خەڵکی کوردستانو مافە ڕەواکانیانن .

– ئەم پێنج ئینسانە تاوانبار نەبون بە پێشێل کردنی ئازادی سیاسی و ڕۆژنامەگەری و کوشتنی ڕۆژنامەنوسانو نوسەرانو ڕۆشنبیران .

– ئەم پێنج ئینسانە تاوانبار نەبون بە سەرکوتی خەڵکی خۆپیشاندەری ناڕازی لە دەسەڵاتی ئەم حزبە دەسەڵاتدارانە..

– ئەم پینج ئینسانە تاوانبار نەبون بە بڕینو دزینی موچەی کرێکارانو کارمەندان ،و بڕینی ئاوو کارەباو خزمەتگوزاریەکانی تری خەڵکی .

– ئەم پینج ئینسانە تاوانبار نەبون بە تێکدانی ئەمنو ئاساییشی هاووڵاتیانی کوردستان و قەومانی شەری ناوخۆو دیل کوشتنو ئەتک کردنیان.

– ئەم پینج ئینسانە تاوانبار نەبون بە هاندانی کارو نەریتی مەحسوبیەو مەنسوبیەو خزمخزمێنەو عەشرەتگەریو تایەفەگەریو قەومپەرستیو هیج بیرو نەریتیکی فاشیو نازیو رەگەزپەرستی…هتد

– ئەم پینج ئینسانە تاوانبار نەبون بە تیرۆری هیچ کەسیکی سیاسی لایەنە نەیارەکانو دژ بە ڕژیمە کۆنەپەرستەکانی ناوچەکە بە تایبەتی رژێمی ئیسلامی ئێران و تورکیا.

– ئەم پینج ئینسانە نەک هەر هیچ تاوانیکی سیاسی و شەخسیشیان نەکردوە بەڵکو تەنانەت یەک دانە بی ڕیزی و سوکایەتیشیان بە هیچ تاکە کەسیکیش نەکردوەو هیچ داوایەکیان لەسەر نەبوە وەک پەپولەی ئازادی وابون.

ئەی کەواتە ئەم پینج ئینسانە لەسەر چی لە لایەن سەرانی یەکیتیەوە تیرۆر کران وەک سەدان هەڵسوراوی سیاسی و ڕۆژنامەنوسو نوسەرو هەزاران ژن لە لایەن سەرانی ئەم حزبە قەومیو ئیسلامیانەو ئەندامو دۆستانیانەوە؟

لە یادی هەژدە ساڵەیاندا جارێکی تر دەیڵیینەوە کە ئەم پینج ئینسانە هەر وەک سەرانی یەکیتی خۆشیان ووتیان لەسەر ئەم خاڵانەی خوارەوە تیرۆر کران:

یەکەم : لەسەر ئەوەی ئەندامی حزبێک بون داوای ئازادیو یەکسانی و دادپەروەریان دەکرد تا هەمو ئینسانەکان وەک یەک بژیین.

دووەم:ئەم پینج ئینسانە ئەندامی حزبیک بون داوای کۆتایی هینان بە ستەمو کێشەی قەومی و نادیاری چارەنوسی خەلکی کوردستانیان دەکردو دەیانوت تاکە ڕێگای چارەسەر بۆ ئەو دۆخە وەرگرتنی دەنگی هەمو خەڵکەو جیابونەوەی کوردستانە بونێتی بە ووڵاتیکی سەربەخۆ.

سیهەم:تاوانی ئەم پینج ئینسانە کە ئەندامی حزبیک بون داوایان دەکرد دەبێت دەخاڵەتی هەمەلایەنەی ڕژیمە دژی ئینسانیەکانی جهانو ناوچەکە لەسەر ژیانی خەڵکی کوردستان کۆتایی پێ بێت ودەبیت.

پێنجەم:ئەم پینج ئینسانە ئەندامی حزبێک بون دەیانوت دەبێت کار بە دەستورو یاساو بریارە دژی ئینسانیەکانی ڕژێمی بەعس نەکریت لەوانە یاسای باری کەسیتیو یاسای کارو دادوەری و سزادان بە تایبەتی سزای سێدارە دەىیت قەدەغە بکرێت..

شەشەم: ئەم پینج ئینسانە ئەندامی حزبێک بون دەیانوت پێویستە ئازادی بێ قەیدو شەرتی سیاسیو بەیانو ڕۆژنامەگەریو هەمو مافو ئازادیە سەرەتاییەکان بو هەمو خەڵک دەستەبەر بکرێت..

حەوتەم:ئەم پینج ئینسانە ئەندامی حزبیک بون دەیان ووت پێویستە کار بۆهەر کەسێکی سەروهەژدە ساڵ دابین بکریت ئەگەر نا دەبێت بیمەی بێکاری تیروتەسەلی پێ بدرێت.

هەشتەم : ئەم پینج ئینسانە ئەندامی حزبیک بون دەیان ووت پێویستە هەمو پیویستیە حزمەتگوزاریەکانی وەک ئاوو کارەباو خوێندنو تەندروستی و پاکوخاوێنی و وەرزشوهونەر و … هتد هەمو بە خۆرایی دابین بکرێت بۆ هەمو خەڵکی .ئەمانەو زۆر مافو ئازادی تر تا دەگاتە بەدیهێنانی ئازادی و یەکسانیو تەواو لە ڕیگای یەکگرتنو ڕیکخراو کردنو ئامادەکردنی کردنی جەماوەری کریکارو خەڵکی ستەمدیدە بۆ شۆرشو کۆتایی هینانی بە چەوسانەوەی ئینسان لە لایەن ئینسانەوە.

ئەمانەو چەندین مافو ئازادی تر ئامانجی ئەم پینج ئینسانە بون کە لەسەری تیرۆرکران وەک هەزاران ئینسانی یەکسانیخوازو ئازادیخوازی تر لە دەیان ساڵی ڕابردودا لە لایەن دەسەڵاتە زۆردارو سەرکوتگەرەکانەوە.

بۆیە پێویستە هەر ئینسانێکی تر کە ئەندامی ئەم حزبەش نەبن کە خۆی بە هاوبەش لەم مافو ئازادی و ئامانجانە دەزانیت وەک ئیمە سور بین لەسەر ڕێگای تێکۆشانو خەباتیان تا بەدیهێنانیان ،و هەروەها سوریش بین لەسەر بەدادگایی گەیاندنی هەرکەسێک کە دەستی هەبوە لە تاوانی تیرۆری ئەم پینج ئینسانەو زۆری تر کەلەسەر هەمان خواستوئامانج تیرۆر کراون.

جارێکی تر دەیڵێنەوە لە یادی هەژدە ساڵەی تیرۆرکردنیاندا سورین لە تێکۆشان بۆ بەدیهێنانی ئامانجەکانیانو بە دادگایی گەیاندنی تاوانباران.

موزەفەر عەبدوڵا
۱۲.۷.۲٠۱۸

Previous
Next
Kurdish