Skip to Content

كچه‌كه‌م شه‌ڕ له‌گه‌ڵ باوكیدا ده‌كا ئایا ده‌توانم یارمه‌تیی بده‌م؟! … نووسینی: مارێلا فرۆستره‌پ

كچه‌كه‌م شه‌ڕ له‌گه‌ڵ باوكیدا ده‌كا ئایا ده‌توانم یارمه‌تیی بده‌م؟! … نووسینی: مارێلا فرۆستره‌پ

Closed
by ئاب 18, 2018 General, Literature

وه‌رگێڕانی: ئه‌ریوان جاسم
———————-

مارێلا پێیوایه‌ دایك ده‌توانێ‌ زیاتر ڕۆڵی ئامۆژگاریكار ببینێت تا ناوبژیكه‌ر له‌و كاته‌ی كچه‌كه‌ی دووباره‌ په‌یوه‌ندی له‌گه‌ڵ باوكیدا دروست ده‌كا. كچه‌ 18 ساڵانه‌كه‌م په‌یوه‌ندییه‌كی باشی له‌گه‌ڵا باوكیدا هه‌بوو, به‌ڵام له‌م چه‌ند مانگه‌ی دواییدا به‌ڕووی بووه‌ته‌وه‌ و به‌به‌رده‌وامی به‌ باوكی ده‌ڵێت: وازم لێبێنه‌, یاخود ده‌ڵێ ئه‌رێ كێشه‌ی تۆ چییه‌؟ كاتێك باوكی داوای ئه‌نجامدانی شتێكی لێده‌كات, ئه‌م ڕه‌تی ده‌كاته‌وه‌. زۆر ناخۆشه‌ ببینی ئاوا ڕه‌فتار ده‌كات. وتم هیوادارم په‌یوه‌ندیی نێوانتان باشتر بێت, به‌ڵام گوتی “باوكم پێویسته‌ به‌رامبه‌رم باش بێت “. باوكیشی به‌ به‌رده‌وامی ڕه‌خنه‌ی لێ ده‌گرێت, به‌ڵام ئێستا ده‌یه‌وێت بایه‌خ به‌ ژیانی بدات, كه‌چی ئه‌و گوێی پێنادات. زۆر توڕه‌ ده‌بێت كاتێك داوای ئه‌نجامدانی شتَكی لێده‌كات و ئه‌ویش ئه‌نجامی نادات (چونكه‌ پێی وایه‌ زۆر ناگوێڕایه‌ڵه‌,من هانیان ده‌ده‌م تا گفتۆ بكه‌ن, به‌ڵام به‌ هاواركردن له‌ نێوانیاندا كۆتایی دێت). هه‌وڵم داوه‌ هانی باوكی بده‌م واز له‌م خووه‌ی بێنێت, به‌ڵام هه‌میشه‌ ده‌یه‌وێت قسه‌ی كۆتایی خۆی بیكات. هه‌روه‌ها هه‌وڵم داوه‌ ناوبژییان بكه‌م, به‌ڵام ئێستا ناتوانم به‌و شێوازه‌ گوێم له‌ ده‌نگیان بێت. بۆیه‌ ژووره‌كه‌ به‌جێ ده‌هێڵم. حه‌زده‌كه‌م په‌یوه‌ندییان باش بێت, به‌ڵام نازانم چۆن یارمه‌تیان بده‌م. مارێلا ده‌ڵێت: پچڕانی په‌یوه‌ندی شتێكی قورسه‌. تۆ شایه‌تحاڵی ڕووداوێكی بوومه‌له‌رزه‌ ئاسای له‌ كاتێكدا كه‌ په‌یوه‌ندیی منداڵێتی كچ و باوك ده‌ست پێده‌كات و دروست ده‌بێته‌وه‌.
ئه‌وه‌ كێشه‌یه‌كی باشه‌ كه‌ زۆربه‌ی كچان پێویسته‌ زاڵ بن به‌سه‌ر سه‌ره‌تای خۆشه‌ویستی له‌گه‌ڵ باوكیان هه‌ر له‌به‌روه‌شه‌ كه‌سانی وه‌ك من پێش قۆناغی گه‌وره‌بوون

باوكیان له‌ده‌ستداوه‌, به‌شێكی زۆری ژیانیان به‌ هه‌وڵدان بو گۆڕینی ئه‌و په‌یوه‌ندییه‌ به‌سه‌ر ده‌به‌ن پێش ئه‌وه‌ی درك به‌وه‌ بكه‌ن هاوشێوه‌كانیان نموونه‌یه‌كی پێویست نییه‌.
له‌ ته‌مه‌نی 18 ساڵیدا, هه‌رچه‌نده‌ كچه‌كه‌ت له‌ ده‌ستپێكێكی تاڕاده‌یه‌ك دره‌نگه‌, به‌ڵام به‌ بڕوای من ماسوولكه‌كانی نمایش ده‌كات و هێزی خۆی به‌كارده‌هێنێ, ئه‌مه‌ش شتێكی ئاساییه‌ و پێویسته‌ هه‌ر وابێت. به‌ تێپه‌ڕبوونی ساڵ دایك و باوكان و منداڵه‌كانیان پێویسته‌ شێوازی نوێی گفتوگۆ فێربن. له‌وساته‌ی كه‌وا كۆرپه‌یه‌ك له‌دایك ده‌بێت, گۆڕانێكی به‌رده‌وام له‌ پێشبینی كردن هه‌یه‌ بۆ گوێڕایه‌ڵنه‌یكردن, هه‌وڵه‌كانی هاوسه‌ره‌كه‌ت بۆ درێژه‌دان به‌ ده‌سه‌ڵاتی پیاوسالاری هه‌تا دێت بێسوود ده‌بێت كاتێك كه‌ كچه‌ بچووكه‌كه‌ی ده‌بێته‌ ئافره‌تێكی پێگه‌یشتوو. گرنگه‌ باوك تێبگات ئه‌گه‌ر له‌م كاته‌دا به‌ تێگه‌یشتی دوو لایه‌نه‌ی نێوانیانه‌وه‌ مامه‌ڵه‌ی دروست نه‌كات, ئه‌وا دواتر دره‌نگ ده‌بێت و ناكۆكی له‌ په‌یوه‌ندییان به‌ به‌ درێژایی ژیان ڕووده‌دات. ئێستا چانسی باوكه‌ تا ببێته‌ هاوڕێی كچه‌كه‌ی بۆ ئه‌م مه‌به‌سته‌ش پێویسته‌ ڕێگه‌ی كچه‌كه‌ی بدات له‌ ژووره‌وه‌ تا كاریگه‌ری باوكی له‌سه‌ر خۆی كه‌م بكاته‌وه‌. تێده‌گه‌م چه‌ند قورسه‌ له‌ دووره‌وه‌ ناوبژێتی بكه‌ی, به‌ڵام پێویسته‌ تۆش ئه‌ركی خۆت به‌ره‌وپێش ببه‌یت و له‌ ڕۆڵی دایكایه‌تیت داهێنان بكه‌یته‌وه‌.

ئه‌ركی تۆ ئه‌وه‌ نییه‌ بێده‌نگ بیت به‌رامبه‌ر هاوسه‌ر و كچه‌كه‌ت و لات گرنگ نه‌بێت په‌یوه‌ندیان چه‌ند خراپه‌ و ده‌بێت خۆیان چاره‌سه‌ری بكه‌ن,به‌ڵكو ئامۆژگاریی تۆ پێویسته‌. هه‌وڵبده‌ سه‌رسوڕمانی خۆت پیشان بده‌یت كاتێك یه‌كێكیان گوێ ده‌گرن, هه‌رچه‌نده‌ ئه‌مه‌ش به‌ ده‌گمه‌ن ڕووده‌دات له‌ ساتی هه‌ڵچوون له‌كاتی گفتوگۆدا. هه‌ندێكجار باوك كاردانه‌وه‌ی خراپی ده‌بێت به‌هۆی گرنگی ڕۆڵی دایك له‌ كاتی بوونی كۆرپه‌دا, كه‌واته‌ گرنگه‌ بزانی باوك ڕۆڵێكی چه‌ند سه‌ره‌كی هه‌یه‌ له‌ ژیانی منداڵه‌كانی. ڕه‌گه‌زی منداڵه‌كانیان هه‌ر چی بێت, ئه‌وا به‌هۆی باوكیانه‌وه‌یه‌ كه‌ فێری هێز و توانا ده‌بن و ئه‌مه‌ش وانه‌یه‌كه‌ كه‌ هه‌ڵبژاردنه‌كانی داهاتووی به‌ زۆر شێواز وێنا ده‌كات. سه‌ره‌ڕای دروشمه‌ فێمه‌نیسته‌كانی ته‌وژمی دووه‌م كه‌ جوداخوازییان بۆ به‌ده‌ستهێنانی یه‌كسانی له‌ مافدا بووه‌ته‌ هۆی دوژمنایه‌تی له‌گه‌ڵ پیاوان, به‌ڵام له‌گه‌ڵ ئه‌وه‌شدا هه‌ردوولا یه‌ك بژارده‌یان هه‌یه‌ ئه‌ویش ئه‌وه‌یه‌ هه‌ردوو ڕه‌گه‌ز ڕۆڵێكی پێویست و بێ هاوتایان هه‌یه‌ له‌ ژیانی منداڵه‌كانیان. له‌ ئێستادا له‌گه‌ڵ هه‌بوونی ڕێژه‌ی ته‌ڵاق, به‌ڵام گرنكه‌ دایك و باوك شێوازی گونجاو بۆ په‌روه‌رده‌كردنی منداڵه‌كانیان ببینه‌وه‌.په‌یوه‌ندیه‌كانی داهاتووی كچه‌كه‌ت و ڕه‌فتاری به‌شێوه‌كی زۆر به‌هۆی كاریگه‌ری باوكییه‌وه‌ له‌لایه‌ك و هه‌روه‌ها به‌هۆی ئه‌و ڕه‌فتاره‌وه‌یه‌ كه‌ تێبینی ده‌كات له‌ نێوان خودی دایك و باوك.باوكی چه‌ند باشتر بێت ئه‌وا كچه‌كه‌ی پیاویكی باشتری له‌ داهاتوودا خۆشده‌وێ. پێویسته‌ ئه‌وه‌ به‌بیر مێرده‌كه‌ت بخه‌یته‌وه‌ كه‌ ئه‌و نموونه‌یه‌كه‌ بۆ كچه‌كه‌ی و ئه‌م نموونه‌یه‌ش بارێكی قورسه‌ تا به‌شێوه‌یه‌كی گونجاو ڕه‌فتار بكات. ئه‌سته‌مه‌ بۆ كچه‌كه‌ له‌ ژیانی به‌رده‌وام بێت ئه‌گه‌ر په‌یوه‌ندی له‌گه‌ڵ باوكی پچڕاندبێت, به‌ڵام له‌ ئێستادا چۆنیه‌تی بنیادنانه‌وه‌ی په‌یوه‌ندییان ده‌بێته‌ هۆی بنه‌مای ڕه‌فتاریان بۆ ده‌یان ساڵی داهاتوو. قورسه‌ بۆ تۆ كه‌ به‌ئاسانی ببیته‌ چاودێر له‌م گۆڕانكارییه‌ بنچینه‌یه‌, به‌ڵام جگه‌ له‌ ده‌ستنیشانكردنی ئه‌وه‌ی كه‌ ئه‌م جۆره‌ی ئێستای ناكۆكی تا چه‌ند سروشتییه‌, تۆ ده‌توانی كه‌مێك ئامۆژگاری بكه‌یت له‌ كاتی ئاشتی نێوانیان دا.

سه‌رچاوه‌: ڕۆژنامه‌ی گاردیان

mm

دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.

Previous
Next
Kurdish