Skip to Content

خۆشترین خه‌ون … عه‌لی حه‌مه‌ڕه‌شید به‌رزنجی

خۆشترین خه‌ون … عه‌لی حه‌مه‌ڕه‌شید به‌رزنجی

Closed
by حوزه‌یران 29, 2019 General, Kids Literature
image_print

دوای یـاریكــردن
هیلاك و مــاندوو
خــه‌ونێكـم بینی
خۆشترین خه‌و بـوو
…
له‌ســه‌ر جۆلانه‌ی
حه‌وشـه‌ی ماڵـه‌وه‌
خـــۆمــم ده‌بینی
به‌ دوو بـــاڵه‌وه‌
…
ده‌مویست له‌و جێیه‌
ده‌ربـــاز بم بڕۆم
تا گه‌شــتێك بكه‌م
به‌ ئــاره‌زووی خۆم
…
دام له‌ شـه‌قه‌ی باڵ
هــه‌ر كـه‌وتمه‌ رێ‌
له‌گــــه‌ڵ كۆتردا
خۆم كـرد به‌ هاوڕێ‌
…
ئه‌و بـه‌ گمـــه‌ گـم
منیــش گــــۆرانی
هه‌مـــوو جێگایه‌ك
گه‌ڕاین به‌ جــوانی
…
ئه‌وه‌ی جوان بوو لام
هه‌مــووم ده‌نووسی
چیم نه‌زانیــــایه‌
خێرا ده‌مـپرســـی
…
چـــــونكه‌ دڵنیام
ئاسـۆی گـه‌شی مـن
فـــراوان ده‌بێ‌ بـه‌
پرســــیار كــردن
… 28/11/2010

Previous
Next