Skip to Content

ئاسمانی پاییزی … سه‌ردار جاف

ئاسمانی پاییزی … سه‌ردار جاف

Closed
by تشرینی یه‌كه‌م 1, 2019 General, Poems


پاییز كه‌شكۆڵی ئافاتیم لێ ده‌به‌ستێ
خه‌م له‌ ئاقاره‌وه‌ دێت و
رووه‌و ترۆپك و قوڵایی سه‌خته‌نی ئه‌وینم ده‌با
تنۆك تنۆك ڕێم پێ ده‌گرێ و بۆ جه‌سته‌ما
ڕۆنیشتووه‌
پاییز له‌ ئاسمانی خۆیا
له‌ ئاستما كڕنوش ده‌با و
له‌ نێو شینا دڵم هه‌ر شین ده‌كاته‌وه‌
نوقمی زه‌رده‌گه‌ڵای خه‌م و شه‌ونمێكی ده‌م سپێده‌م
كه‌ نه‌یتوانی خه‌نده‌كانی جه‌سته‌ی برینم ماچ بكا
منی له‌ سه‌یوانی ئه‌رخه‌وانیدا
له‌ زه‌مه‌نی غوربه‌تییا جێهێشتووه‌
ئه‌ی خودایه‌ ….
ئاوی هه‌ناری ده‌م حه‌وا بڕژێنه‌ به‌ سه‌ر ژیلوانی ته‌مه‌نمدا
په‌رته‌وازه‌ی چاوه‌ نافوره‌كانمی كه‌
ده‌با شه‌وچره‌ی ئه‌و چراتۆڕه‌ی ماهم به‌ ئه‌وینم
ئولفه‌ت بگرێ
له‌ میتۆدی
كولبه‌یه‌كی قاوه‌ تاڵه‌كانی ته‌مه‌ن ، نه‌ی ده‌ژه‌نم
خۆ تۆ چه‌شه‌ی ژه‌هرم ده‌كه‌ی ، ئولفه‌تگری چركه‌كانی كاتژمێرمی
سه‌رخه‌وێكی كه‌ساسی خۆم ده‌شكێنم و
ده‌تۆیش ڕێ به‌و دڵه‌ت بده‌
له‌ نێو هه‌ناسه‌ی هه‌ستما
هێور هێور تێمدا بمرێ

كات دووی به‌ره‌ به‌یانی 30 / 9 / 2019

Previous
Next
Kurdish