وه‌هم … شه‌ونم زه‌ندی
له كۆكردنه‌وه‌ی ئه‌لف و بای
نامه‌كانی ده‌ستی فه‌ده‌ره‌وه
وشه نه‌وتراوه‌كانی ژێیه‌نووساوه‌كان …
بۆ ساته فه‌رامۆشكراوه‌كانی ته‌مه‌ن
فه‌رهه‌نگه‌كانی ئه‌زه‌لیش
” تۆماری فه‌نابوونێكن “
به واهیمه‌بوونی سێ یه‌كی خه‌ڵكه نائاگاكه‌ی
ئه‌م زه‌مه‌نه دژواره‌یه ،
نه‌بادا ببن به :نوسراوێكی ” په‌ڕه‌نگ ئاسا ”
داوای قه‌رزی ڕۆژه دزراوه‌كان
له ” شه‌وه وه‌همییه‌كان ” بكه‌نه‌وه
له حه‌تمییه‌ت بوونی .. مه‌حاڵبوون
یه‌قین گومانی كرد
له داخستنی په‌نجه‌ره‌كانی ڕه‌هایی
له كڵۆمدانی ده‌رگاكان …
هه‌ناسه‌كانیش نغرۆی په‌نگ خواردنه‌وه
****
وه‌سیه‌ته‌كان .. به مانشێتێكی گه‌وره و
خه‌تێكی زیوین
له بریسكه‌ی ئه‌ستێره‌كان ..
به ته‌وێڵی ئه‌م ئاسمانه نیلییه‌دا …
جاڕی ” أنا الحق ” ی حه‌لاجێكه
ڕۆژ ژمێره‌كانی ئه‌م زه‌مه‌نه وه‌ستاوه
” په‌نجه‌ی ڕۆژێك ،
ورزێك ،
ساڵێَك ”
توانستیان نه‌كرد …
هه‌ڵیانداته‌وه …
مۆركردنی به‌ڵێنه‌كانیش ..
ده‌بن به بڵقی سه‌ر ئاو ،
ئیمزاكانیش ده‌گۆڕدرێن
” دۆستی یاده‌كانیش ”
له حیساباتی شكۆمه‌ندی
ئه‌و ساتانه‌ی زه‌مه‌ن
له ئاست یادكردنه‌وه‌یان …
پاكانه ده‌هێنێته‌وه .
له نێوانی
” قه‌ده‌ری بوون و
نه‌مامی حیكمه‌تی وجود ” ه‌وه
بوون : سفره‌ی دوای فاریزه و
سڕینه‌وه‌ی ناوه‌كانیش :
له ته‌ك تاوانه‌كان
به ڕه‌قه‌می قه‌به‌وه …
له ژماره نایێن …
بوون = سفری دوای فاریزه …
سڕینه‌وه‌ی ناوه‌كان = نا كۆتا له ژماره .
شه‌ونم زه‌ندی
هه‌ولێر
1996 – 1997
Dengekan
دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.
