ئایا نیل ئارمسترونگ تاكه كه‌سه چۆته سه‌رمانگ ؟! … هه‌رێم عمر كاكل
ره‌نگه به هۆی جه‌نجاڵی خۆمانه‌وه بێت یاخود هه‌ندی جار به هۆی كه‌مته‌رخه‌می بێت بۆ ئه‌وه‌ی نه‌مانه‌وێت شاره‌زابین و شاره‌زایمان هه‌بیت كه زۆریك له ئێمه له‌م كۆمه‌لگایه‌ی كوردیه بێمان وابێت كه تاكه كه‌س تا ئێستاكه جوبێته سه‌رمانگ كه‌شتیوانی ئه‌مریكی ( نیل ئارمسترۆنگ) بێت و ته‌واو . به‌ڵام ئایا هه‌وڵتداوه ئه‌وه بزانیت كه دوانزه كه‌شتیوانی بۆشاییگه‌ری به 6 كه‌شتی بۆشاییگه‌ری بۆ مانگ چوون و چوونه‌ته سه‌ر رووی مانگ . لێره‌وه ئه‌م زانیاریه راسته‌قینه‌یه و به‌ڵام ئێمه ئاشنا نه‌بووین و شاره‌زایمان نه‌بووه له‌سه‌ری . له سالانی 1969 تا ساڵی 1972 زنجیره كه‌شتی ( ئه‌بۆلۆ ) له‌لایه‌ن ده‌زگای ناسا ی ئه‌مریكیه‌كانه‌وه به‌ره‌و مانگ هه‌ڵدرا بۆ ئه‌وه‌ی بتوانرێت مرۆف بگات به‌سه‌ر رووی مانگ به‌م شێوه‌ی خواره‌وه :
- ئه‌بۆلۆ 11 له16یۆلیو 1969 / دوو كه‌شتیوان له‌سه‌ر رووی خاكی مانگ دابه‌زین . نیل ئارمسترۆنگ و باز ئاڵدرین .
- ئه‌بۆلۆ 12 له14 نوفمبر 1969 / هه‌ردوو كه‌شتیوانی بۆشاییگه‌ری بیتی كۆنراد و ئالان بین له‌سه‌ر مانگ دابه‌زین .
- ئه‌بۆلۆ 14 له11 ئه‌پریل 1971 / كه‌شتیوانان ئالان شیبارد و ئیدجار میتشیل .
- ئه‌بۆلۆ 15 له31 ینایر 1971 / كه‌شتیوانانی بۆشاییگه‌ری دافید سكوت و جیمیس ئاروین .
- ئه‌بۆلۆ 16 له26 یولیو 1972 / هه‌ردوو كه‌شتیوان جون یانج و تشارلز دوك بوون .
- ئه‌بۆلۆ 17 له16 ئه‌بریل 1972 / كه‌شتیوانان یوجین سیرنان و هاریسۆن شمیت .
هه‌رچی كه‌شتی ئه‌بۆلۆ 13 یه له7 دیسمبری 1970 هه‌ڵدرا بۆ مانگ و هه‌رسی كه‌شتیوانی بۆشاییگه‌ری ( جیم لوفل و فرید هایس و جاك سویجارت ) دووری 250 هه‌زار كم له رووی زه‌وی به‌هۆی ته‌قینه‌وه‌ی كۆگای ئۆكسجینی كه‌شتیه‌كه نه‌توانرا كاره‌كه به‌سه‌ركه‌وتووی بۆ رووی مانگ ئه‌نجام بده‌ن و ناجار به‌ده‌وری مانگ سورانه‌وه و گه‌رانه‌وه بۆ هه‌ساره‌ی زه‌وی .
ڕه‌نگه لیره‌وه ئاشنایه‌تیمان به‌یدا كردبێت له‌سه‌ر جونی مرۆف بۆ سه‌ر مانگ . به‌ڵام له‌وه كاره‌ساتبار تر ئه‌وه‌یه دوای ئه‌و هه‌موو كه‌شته بۆشاییگه‌ریانه و جونه سه‌ر مانگ و ماندوو بوونی مرۆف بۆ به ئه‌نجام گه‌یاندنی ئه‌م ئه‌ركه مرۆفایه‌تیه‌ی زانیاریه ، كه‌جی زۆر به‌داخه‌وه تا ئیستا ( مرۆفانێك هه‌ن برَوایان به جوونه سه‌ر مانگ نیه و به سینارۆیۆی ده‌زانن ) ئیتر لێره‌وه عه‌قلی مرۆفه‌كان داده‌خرێت و فراوان بوونیان نیه بۆ وه‌رگرتنی زانیاریه‌كان له بێشكه‌وتنی زانست له‌سه‌ر ئه‌م هه‌ساره‌یه !!!!!؟
هه‌رێم عمر كاكل
Dengekan
دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.
