بروسکەیەک تۆزێ درەنگتر… کاوە عوسمان عومەر

جۆگەلەیەک لە فرمێسکی ئەو،،،
برینی شەقامێکی لە تەنیایی تیمارکرد ، ،
تریشقەیەک وەک هێشوە ترێ…
بە پەلی داری ئاڵتونی ئاسمانەوە،،،
بریسکەی هات…
بانگەوازی نمە ووردەکانیش…
بۆ ئەوانەی لە ژوورا قەتیس ماون،،
تابێنە دەرێ،،،
بۆ ناو هەڵم و تەم وگەڵاڕێزان،،
تا ڕامێنن لە سەمەرەی،،،
زرنگانەوەی زەنگە پەمەییەکانی ئێستا،،
بالکۆنێکیش، پڕە لە بوونی ئافرەتێکی…
ڕوخسارباران،،،
سۆما سپیەکانی بروسکەکانیش …
بە ئاسمانێکی زەرد‌هەلبزرکاوا هەڵزەنین،،،
تا درەنگ گەیشتنی…
پەڕەسێلکە تەڕەکانیش..
هەر ئەبریسکێنەوە،،،
چاوێک چرای…
بوون و نەبوونە، شەویش…
لە چنگی ئێوارەیەکی …
درەنگ هاتوو دەربازیبوو ،،،
خەمیش لە نەهاتنی ئەوا…
پرتەقاڵی چاوەڕوانی گرت
…………….
ئەوان دەوارە سپیەکانیان….
لە بارانەکانا هەڵدا،،
شەویش،،،
بە ئەسپە ڕەشەکەی ڕەهێڵەوە….
تۆزێک زووتر ئەگات،،
ئێوە بە ئاوی کانی بێدەنگی…
تینۆتیتان بشکێنن،،،
منیش بە شمشاڵی …
شینی حەقیقەتەوە،،،
گوڵە لەیلەکە مۆرە سیسبووەکان،،
ئەخەمەوە سەما،،
ئەوان لە لم دروستبنەوە،،
تۆش لە خەوا،،،
جێگایەک…
لە ئاوریشمی حەزا ڕاخە،،،
ئێوە شەرابی باران بخۆنەوە،،،
منیش زادەی بیابانم،،
تۆزێک هەنگوینی گەڕان و،،
چۆڕێ شیری بێگەردی…
سەفەرێکی پشت بروسکەکان بێ.

Dengekan

دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.