گلێنە وەریوەکانی ئەستێرەکان … کاوە عوسمان عومەر

گلێنە وەریوەکانی ئەستێرەکان
لە گۆمی مەنگی خەوێک، مەلێک..
لە ژێر ئەستێرە ڕژانا، گەڕیدەیەک..
دوو کاغەزی نەنوسراوی…
نێو باهۆزی سەفەرە ،،،
لە نێوان ڕێگای هات و
نەهاتا،،،
یادی تنۆکە وشەکان،،،
پەیڤی گوڵە هەڵالەیەک…
بۆ پەپولەیەکی سەرهەڵگرتوو،،
وەک بەلەمی تەرەی ئۆقیانووس، لەدەست ئەچن،،
غوربەتە، ناهێڵی…
پیاوێک لە سەراب،،
لە پنتی ڕێی ڕۆژێکا ئۆقرە گرێ
………………………………
دڵ ژێی چڕاوی گیتاری پایزە،،،
ئەفسووس ، مرواریە درەوشاوەکانی…
چاوی ئەو، تاڤگەی ڵێڵ بووی…
کات بردنی،،،
خوڕەی جێ،
کە بیر لە تولەڕێی خەیاڵا کەنەفتە،،،
کە شوێنەکانیش…
سەری خۆیان هەڵئەگرن،،
پەنجەکانی کاتە، لەسەر تەمی پەنجەرەیەک…
باوەشی بۆ هاتنی ئافرەتێک،،
لە کانی هەڵقوڵاو ،،
بە جوانی و سیحری هەردە جاران ،
گەڕاوەیەک لە سەراب و زوقم،،
سەرسام بە نەمانی دارستانە…
ئەرخەوانی و پەمەیەکانی دوێنێکانی شار، ،،
تریفەی مانگ، لە نیوە شەوێکی سەر تەماوی ..
وون، داسی تەنیایی، شەنی..
هەنگاوە کانی هێدی هێدی..
کرد، تاگەیشتەوە بەردەم دەرگای..
بە ئازاری …
ئەبەدی شیعر.

وێنەکە کارێکی هونەری فۆتۆگرافەری ئەڵمانی
(Dorothe – DarkmoonArt_De )
بە سوپاسەوە لە پەیجی فەرمی خۆی وەرگیراوە.

Dengekan

دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.