چەپکە خۆر .. شیعر/ کاوە عوسمان عومەر

( ١)
پێت ووتم، پاش جەنگە…
ڕەنگ خۆڵەمێشیەکان،
گەربینیمیتەوە،..چەپکە..
خۆرێکی ئاڵتونیت بیر نەچێ،
چڵێ گوڵە خۆر،،
بۆ نێو زوڵفی ئەفسوناوی،
چڵێ گوڵە خۆری تر..
ناو چاوە کزەکانم پڕکات
لە نوری تۆ
(٢)
پێش ڕۆژئاوابوون
پەنجەکان لێکئاڵان،،
واهەست ناکەی..
لەگەڵ مۆسیقای هەنگاوەکانتم،
کە سەفەر ئەکەی؟
مانگی سەر لێوتە،
دواهەمین وشەشیعر،،
تێشووی کۆچ..
لە خەوی گەڵاتەڕەکانە..
چاوەڕوانی ڕەنگاڵە شەوێکم..
تا کوانووی ڕوخسارت بگەشێنێتەوە،،
باهۆزی لمی بێهودەییە..
ئێسکەکانی پەیکەری..
بڕیاری سواندوە،،
هەوێنی وشەکان،
پشکۆی کورەی چاوەڕوانیتە،
ژەهری ڕەشی عیشقیشە..
دەوای پەتای مەرگ،،
چەپکە خۆرێک ئەچنمەوە،،
بەڵکو شەختە وەرزێ تێپەڕێ ،،
لە تەنیایی بوونت.

———————————–

وێنەکە کارێکی هونەری فۆتۆگرافەری ئەڵمانی
(kerstine Riemer)
بە سوپاسەوە لە پەیجی فەرمی خۆی وەرگیراوە

Dengekan

دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.