وتوێژ لەگەڵ هونه‌رمه‌ند ئه‌حمه‌د زه‌هاوی.. ئامادەکردنی: كامه‌ران حاجی ئه‌لیاس
هونه‌رمه‌ند ئه‌حمه‌د زه‌هاوی: زۆربه‌ی په‌یكه‌ره‌كانی من ،له فلكلۆر و كلتوری كوردی سه‌رچاوه ده‌گرن
هونه‌رمه‌ند ئه‌حمه‌د زه‌هاوی: ده‌بێ شوێنی دانانی په‌یكه‌ر، له‌سه‌ر بنه‌مای زانستی بێت
هونه‌رمه‌ند (ئه‌حمه‌د مسته‌فا زه‌هاوی ) له ساڵی 1962 له شاری خانه‌قین له دایك بووه ، ده‌رچووی ئه‌كادیمیای هونه‌رجوانه‌كانی به‌غدایه، له زانكۆی سه‌ڵاحه‌دین بڕوانامه‌ی ماجستێری له ژێر ناوی “جوانكاری و ته‌كنیكی له كاری هونه‌رمه‌ندانی په‌یكه‌رسازی كوردستان” وه‌رگرتووه . په‌یكه‌ره‌كانی زیاتر واقعین ، به‌شداری چه‌ندین پیشانگا و فیستڤاڵی له‌سه‌رئاستی ناوخۆ و ده‌ره‌وه‌ی كوردستانی كردوه ، ئێستا مامۆستایه له كۆلیژی هونه‌ره جوانه‌كانی هه‌ولێر بۆ زیاتر ئاشنا بوون به كاره‌هونه‌رییه‌كان و ئه‌م دیداره‌مان له‌گه‌ڵیدا ساز داوه.
- به‌رێزتان هونه‌رمه‌ندێكی ناسراون به‌ڵام پێمان باش بوو بۆ خوێنه‌رامان ، زیاتر باس له ژیانی هونه‌ری خۆت بكه‌یت.
- ناوم هونه‌رمه‌ند ئه‌حمه‌د مسته‌فا زه‌هاویه له ساڵی 1962 له شاری خانه‌قین له دایك بووم ده‌رچووی ئه‌كادیمیای هونه‌رجوانه‌كانی به‌غدام به‌شی په‌یكه‌تارشی ، له ساڵی 1988 بڕوانامه‌ی به‌كه‌لۆریسی له هونه‌ری شێوه‌كاری به‌ده‌ست هێنا،دواتر له زانكۆی سه‌ڵاحه‌دین بڕوانامه‌ی ماجستێرم وه‌رگرتووه .. به‌شداری چه‌ندین پیشانگا و فیستڤاڵ له‌سه‌رئاستی ناوخۆ و ده‌ره‌وه‌ی كوردستان كردوه، په‌یكه‌ره‌كانم له چه‌ندین شوێنی جیاجیا كوردستان دانراوه.
- زۆربه‌ی هونه‌ره‌كان په‌یوه‌ستن به به‌هره ،سه‌رچاوه‌ی به‌هره‌كانی تۆ بۆ په‌یكه‌ره‌كانت چین؟
- زۆربه‌ی په‌یكه‌ره‌كانی من ،له فلكلۆرو كلتوری كوردی سه‌رچاوه ده‌گرن.
*كێن ئه‌و په‌یكه‌رتاشانه‌ی ،كاریگه‌ریان له‌سه‌ر به‌رێزتان هه‌بووه؟ یاخود سه‌رسامی به كاره‌كانیان؟
-زۆرن ئه‌و هونه‌رمه‌ندانه‌ی كه،كاریگه‌ره‌یان له‌سه‌ر من هه‌بووه بۆ نموونه له كورده‌كان ،مامۆستا دارا حمه سعید، له عێراقیه‌كان مامۆستا محه‌مه‌د غه‌نی حیكمت و مامۆستا ئیسمایل فه‌تاح وه له جیهانیه‌كان زۆر سه‌رسامم به كاره‌كانی هونه‌رمه‌ند جاكو منی روداو. - كامه‌ن ئه‌و بابه‌تانه‌ی بۆ په‌یكاره‌كانت هه‌ڵده‌بژێت ؟
- ئه‌و بابه‌تانه‌ی ده‌بنه، پۆرتریت زیاتر كوردین وه‌كو سه‌ركرده‌كان ، شاعیران ، ژنیاران…
*په‌یكه‌ره‌كانت زیاتر واقعین ، یاخود له خه‌یاڵین؟
-ئه‌وه‌ی راستی بێت ، زۆربه‌ی په‌یكه‌ره‌كانم زیاتر له واقع نزیك نه‌وه‌ك له خه‌یاڵ.
*ئاستی هونه‌ری په‌یكه‌رتاشی له كوردستان چۆن ده‌بینی؟ - ناتوانین بڵێن هونه‌ری ئاستی په‌یكه‌رتاشی له كوردستان زۆر باشه،به‌ڵام تا راده‌یه‌ك باشه.
*كێشه‌و گرفته‌كانی هونه‌ری په‌یكه‌ر تاشی له‌كورستان چین؟ - گرفته‌كان زۆرن ، به‌ڵام كێشه‌ی سه‌ره‌كی بریتییه،له نه‌بوونی كارگه‌ی برۆنزه له كوردستان.
*به بۆچوونی به‌رێزتان ،شوێنی دانانی په‌یكه‌ره‌كان له شاره‌كانی كوردستان شوێنی گونجاون؟ - شوێنی دانانی په‌یكه‌ر ، ده‌بێت له‌سه‌ر بنه‌مای زانستی ولێكۆلێنه‌وه بێت ،واته ده‌بێ ره‌چاوی پانتایی شوێنی په‌یكه‌ر،بابه‌تی په‌یكه‌ر، ماده‌ی په‌یكه‌ر،قه‌باره‌ی په‌یكه‌ر،فۆرمی په‌یكه‌ر..بكرێت، به‌داخه‌وه هه‌ندێك له په‌یكه‌ره‌كان ، له شوێنی گونجاو دانه‌نراون.
*ئاواتی به‌رێزتان چیه؟
-ئه‌وه‌ی راستی بێت،ئاواتمه هونه‌ری كوردی له ڕیگای كلتور و فلكلۆری كوردی، بگاته ئاست هونه‌ری جیهانی.
كامه‌ران حاجی ئه‌لیاس
Dengekan
دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.
