یانزدەھەمین کۆڕی یادەوەری سەردەشت عوسمان

دوا ڕاگەیاندن سەبارەت بە :

لە یانزدەھەمین ساڵیادی تیرۆری سەردەشت عوسمانی ڕۆژنامەنوس جەخت دەکەینەوە لەسەر :
یەکەم:
دەسگیرکردن ،دادگایی و سزادانی ھەمو تاوانبارانی تیرۆری سەردەشت عوسمان لەھەر پلەو پۆستێکی پارتی و دەسەڵاتەکەیدا بن . ھاوکات دەسگیر کردن ، دادگایی وسزادانی ھەمو ئەو تاوانبارانەی تر کە ھەڵسوڕاوانی سیاسی و ڕۆژنامەنوسانی تیرۆر کردوە کە لیستێکی دورو درێژە.
دووەم:
ئازاد کردنی دەستبەجێی ھەمو ھەڵسوڕاوانی سیاسی و ڕۆژنامەنوسان بە تایبەتی دەسگیرکراوەکانی بادینان کە لە ژێر سایەی سەرکوتگەری پارتی دیموکراتی بارزانی لە ژێر ئازارو ئەشکەنجەدان تا دان بەوەدا بێنن کە تاوانبارن.
سێھەم:
پابەند بونی دەسەڵاتدارانی ھەرێم و لایەنە سیاسییەکان بە ڕێزگرتن لە ماف و ئازادی یەکانی خەڵکی کوردستان بە بێ دانانی قەیدو بەند، بە تایبەتی ئازادی سیاسی و ڕۆژنامەگەری .
بەم بۆنەیەوە کۆمیتەی داکۆکی لە مافەکانی خەڵکی کوردستان لە ئوسترالیا یانزدەھەمین ساڵەی تیرۆری سەردەشت عوسمان بەرزو بەڕێز ڕادەگرێت لە کۆڕێکدا بە پێی کات و شوێنی خوارەوە.
لە بەرنامەی کۆڕەکەدا وێڕای ووتەی دەستەی سەر پەرشتی کۆڕەکەو نمایشی فلیمی بەڵگەیی ھاوکات ھەر یەك لە بەڕێزان ئارام علی -میدیاکار- برای سەردەشت عوسمان بە نوێنەرایەتی خانەوادە خۆڕگرەکەیان پەیامی ھەیە، ھەروەھا بەرێز نیاز عبداللە ڕۆژنامەنوسی ئازادو داکۆکیکاری بوێرو سەرسەخت لە ئازادی لە کوردستان پەیامی بە لایڤ دەبێت.
شایانی ئاماژەیە کۆڕەکە بە لایڤیش پەخش دەکرێت.
بانگەوازی ھەمو لایەك دەکەین ،بە تایبەتی ھاووڵاتیانی خەڵکی کوردستان لە سدنی، بەشدار بن لەم یادەدا .
کات : ٢٠٢١/٥/٩ کاتژمێر ٦ ئێوارە
شوێن: ئەلفا پارك کۆمیونتی سەنتەر بەرامبەر شۆپینگی وێست پۆینت – بلاکتاون

Alpha Community Centre -Apha st Blacktown -opposite westpoint shopping centre

خۆشحاڵین بە ھاتنتان
کۆمیتەی داکۆکی لە مافەکانی خەڵکی کوردستان لە ئوسترالیا/سدنی
٢٠٢١/٥/٢

Dengekan

دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.